Created with Highcharts 5.0.4

Total number of votes cast for


Тошкент шаҳар Шайхонтоҳур туманидаги “Ўрда” чорраҳасига пиёдалар ўтиш жойини қайтариш ҳақида
  • Sphere:Security
  • Date:2022-06-07 19:21:38
  • Author:XAMIDOV ARTUR RUSTAMOVICH
Text of the collective petition
Шайхонтоҳур туманининг “Алишер Навоий” ва “Лабзак” кўчалари кесишмасида жойлашган чорраҳада реконструкция ишларини олиб бориш чоғида маҳаллий инфратузилма эътиборга олинмади ва натижада чорраҳа пиёдалар учун хавфли ва ноқулай бўлди. Бунинг асосий сабаби, таъмирлаш ишлари якунида чорраҳанинг бир томонидаги пиёдалар ўтиш жойининг демонтаж қилинишидир. Пиёдалар ўтиш жойининг демонтаж қилиниши оқибатида пиёда йўлни кесиб ўтиши учун талаб этиладиган масофа ва вақт икки баробарга ошди. Ушбу пиёдалар ўтиш жойини сақлаб қолиш муҳим. Чунки у пиёдалар учун жамоат транспорти бекатига, озиқ-овқат дўконлари ва дорихоналарга етиб бориш учун энг қисқа йўл бўлиб, “Ўрда” маҳалласидаги аҳоли орасида алоқани таъминлаб берар эди. Масаланинг яна бир жиддий жиҳати шундан иборатки, пиёдалар ўтиш жойи демонтаж қилинганлигига қарамасдан, пиёдалар “Ўрда” чорраҳасининг ушбу жойидан, ўз жонларини хатарга қўйиб, йўлни кесиб ўтишда давом этишмоқда. Таъкидлаш жоизки, Ўзбекистон Республикаси Президентининг 2022 йил 4 апрелдаги ПҚ-190-сон Қарорининг 1-бандига мувофиқ, йўл ҳаракати иштирокчиларининг “пиёда – жамоат транспорти – велотранспорт – автотранспорт” устуворлиги асосида хавфсиз ҳаракатланиши учун ишончли шарт-шароитларни яратиш муҳим аҳамият касб этади.
Implementation of the collective petition / idea
Юқоридагилардан келиб чиққан ҳолда, Тошкент шаҳар Шайхонтоҳур туманидаги “Алишер Навоий” ва “Лабзак” кўчалари кесишмасидаги чорраҳага илгари мавжуд бўлган барча пиёдалар ўтиш жойларини қайтаришни таклиф қиламиз.
3108
Comments (0)

Leave a comment

To leave a comment you need to log in through id.egov.uz
×
Site map