Barcha yoqlab berilgan ovozlar soni
To'planishi lozim bo'lgan ovozlar soni: 10000
Олий таълим муассасалари талабаларини турар жой (ётоқхона) билан таъминлаш хақида
- Yo'nalish:Madaniyat va sport
- Sana:2018-09-12 15:25:57
- Muallif:AVEZIMBETOV AZAMAT DOSUMBETOVICH

Jamoaviy murojaat matni
Ушбу мурожаат орқали республикамиздаги олий таълим муассасалари томонидан ётоқхонага эҳтиёжи бўлган барча талабаларни ётоқхона билан таъминлаш масаласини ҳал қилиш керак деб ҳисоблайман. Ҳозирги кунда республикамиз ОТМларида таълим олаётган талабаларнинг каттагина қисми олис туман ва қишлоқлардан келишади. Бу талабалар ўз оиласидан узоқ бўлган вақтда таълим олиш ҳамда уй-рўзғор ишлари билан шуғулланишига тўғри келади. Бунда талабалар кимнинг уйида ва қандай аҳволда ижарада туришини кўз олдингизга келтириб кўрингчи. Талабалар ётоқхоналари номига, етарли шароитга эга бўлмаган ётоқхоналар бўлмаслиги керак. Бунинг учун талабалар ётоқхонасидаги шарт-шароитларга қўйиладиган меъёрларни ҳам белгилаш керак. Муҳтарам Президентимиз “халқимиз эртага эмас, бугун яхши яшаши керак” деганларидек талабаларимиз шароити эртага эмас, айнан бугун яхшиланиши керак. ОТМ ректорлари олдига ушбу масала мажбурий тартибда қўйилса, охир-оқибат ушбу жараён олий таълим тизимининг тубдан такомиллашиши ҳамда ОТМлар раҳбарларининг талабалар олдидаги масъулияти ошишига олиб келади.
Агарда ОТМлар олдига ётоқхоналар муаммосини ҳал этиш бўйича талаб қўйиладиган бўлса, улар қуйидаги чора ва ечимдан бирини танлаши мумкин бўлади:
1) қўшимча ётоқхоналар барпо этиш ва мавжудларини таъмирлаш;
2) аутсорсингдан фойдаланиш, бироқ бу жараёнда хусусий сектор билан шартномани фақат олий таълим муассасаси тузиши шарт;
3) олий таълим муассасаларининг филиалларни ташкил қилиш;
4) масофавий таълим тизимини жорий қилиш.
Jamoaviy murojaat / g'oya ni amalga oshirish
Бу таклиф амалга оширилса, талабаларнинг сифатли таълим олишига имконият яратилиб, улар ўртасида жиноятчилик ва бошқа салбий ҳолатлар камайишига хизмат қилади.
Izohlar (10)
MAQSUDOV XAYOTILLO QODIRJONOVICH
Bu ajoyib taklif...
Biz ham bir vaqtlar talaba bo'lganmiz. Yotoqxona masalasi qanchalik dolzarb ekanini yaxshi bilamiz.
6 Yanvar 2019, 23:09
REJAVALIYEV SHERZODBEK NOSIRJON O‘G‘LI
Ha yaxshi taklif berilgan. Buni ko'pchilik talabalar qo'llab quvvatlaydi. Lekin bu so'rovnoma barcha talabalarga yetib bormagan. O'zim ham bugun o'qidim. Bu so'rovnomani talabalar ko'proq kiradigan ijtimoiy saytlarda ham tarqatish kerak. Facebook, Instagram, Telegram kabi ijtimoiy saytlardagi kanal va guruhlarga tarqatish kerak. Shunda yetarlicha ovoj to'plashi mumkin.
31 Dekabr 2018, 15:51
AVEZIMBETOV AZAMAT DOSUMBETOVICH
Куллаганингиз учун рахмат Кобилжон Худойбердиевич. ОТМ ларида таълим олиш тулик бозор механизмига утмокда ва хорижий ОТМ филиаллари очилмокда бу борада ушбу масалани хозирдан хал килмасак кейинчалик кеч булиши мумкин.
4 Noyabr 2018, 18:19
KOMILOV QOBILJON XUDOYBERDIYEVICH
ОТМлар отнинг калласидек контрактни олдиндан олиб қўйгандан кейин ётоқхона билан ҳам таъминлаши керак. 100 фоиз маъқуллайман.
31 Oktabr 2018, 18:16
AVEZIMBETOV AZAMAT DOSUMBETOVICH
Аввало эътибор ва қўллаганлигингиз учун раҳмат Раҳим Абдуғаниевич. Асосий масала сифатида бугунги кунда ушбу масала муҳимлигини эътироф этиш ва ОТМ ларини ушбу йўналишда ўз лойиҳаларини тайёрлашга ундашдир. Агар ОТМ олдига ушбу вазифа қуйилмас экан бу муаммо бартараф этилмайди.
17 Oktabr 2018, 19:01
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim
Yana ko'rsatish