Barcha yoqlab berilgan ovozlar soni
To'planishi lozim bo'lgan ovozlar soni: 5000
Термиз шаҳрида ягона бўлган ер ости пиёдалар ўтиш йўлагини фойдаланишга топшириш ҳақида
- Yo'nalish:Xavfsizlik
- Sana:2022-08-03 09:53:56
- Muallif:TANGIROV BAXODIR XUSHBAKOVICH

Jamoaviy murojaat matni
Сўнгги йилларда мамлакатимизда йўл ҳаракатини хавфсиз ташкил этиш, йўлларда йўл ҳаракати қатнашчилари хавфсизлигини таъминлаш ва йўл инфраструктурасини замон талаблари асосида ривожлантириш бўйича кўплаб ишлар олиб борилмоқда. Аммо кўп йиллардан буён Сурхондарё вилоятининг Термиз шаҳар “Имом-Ат-Термизий” марказий кўчасидаги йўллар инфраструктурасида муаммоли масалалар сақланиб қолмоқда. Масалан, Термиз шаҳрининг “Имом-Ат-Термизий” марказий кўчасида жойлашган ер ости пиёдалар ўтиш йўлаги бир неча йиллардан буён таъмирталаб аҳволда бўлиб, пиёдалар фойдаланиши учун яроқсиз ҳолатга келиб қолган. Ушбу ўтиш йўлаги пиёдалар фойдаланиши учун яроқсизлиги сабабли, пиёдалар транспорт воситалари йўлларидан кесиб ўтишмоқда ва бунинг натижасида йўл ҳаракатининг ҳар бир қатнашчиси учун ноқулайликлар, авариявий ҳолатлар ва тирбандликлар келиб чиқмоқда.
Jamoaviy murojaat / g'oya ni amalga oshirish
Юқоридагилардан келиб чиққан ҳолда, Сурхондарё вилоятининг Термиз шаҳар “Имом-Ат-Термизий” марказий кўчасидаги ер ости пиёдалар ўтиш йўлаги таъмирланиб, пиёдалар фойдаланиши учун топширилишини таклиф қиламиз.
Izohlar (1)
XO‘JAYOROV BAXTIYOR ALLABERDIYEVICH
qayerda qurilgan, hamkorbank ro'parasidagimi, unga ancha yil bo'ldiku, uni yopib tashlaganku
24 Mart 2023, 21:39
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim