Created with Highcharts 5.0.4

Barlıq yoqlap berilgen dawıslar sanı


Тиббиёт муассасаларида беморлар учун дори воситаларинининг рецептини махсус бланкаларга ёзиш ҳақида
  • Baǵdar:Densawlıq
  • Sáne:2019-05-01 14:17:53
  • Avtor:G‘ANIYEV JAKBARALI G‘OFURJON-O‘G‘LI
Jámáátiy múrájat teksti
Ҳозирги кунда юртимизда барча соҳаларда туб ўзгаришлар бўлмоқда, давлатимиз раҳбари томонидан соғлиқни сақлаш тизимига катта эътибор қаратилиб, ривожлантириш бўйича чоралар кўрилмоқда. Лекин, соҳада айрим камчиликлар сақланиб қолмоқда. Бу камчиликлардан бири беморларга дорилар рецептини шифокорлар томонидан жуда ҳам ноаниқ ва тушунарсиз тарзда ёзилишидир. Шифокорларнинг бу масалага совуққонлик билан қараши, масъулиятсизлиги оқибатида баъзи ҳолларда дори воситасини харид қилиш ва қўллашда кўнгилсиз ҳолатларга сабаб бўлмоқда. Соғлиқни сақлаш вазирлиги томонидан дори воситалари рецептини бериш тартиби ишлаб чиқилган, лекин бу тартибга етарлича амал қилинмаяпти. Берилган рецептларнинг тасдиқланмай, тушунарсиз тарзда ифодаланиши фуқаролар саломатлигига жавобгарлик ҳиссининг тобора унутилиб боришига олиб келмоқда.
Jámáátiy múrájat / ideyanı ámelge asırıw
Юқоридагиларни инобатга олган ҳолда, биринчидан, Соғлиқни сақлаш вазирлиги тиббиёт муассасаларида махсус бланкаларда рецепт ёзиш бўйича назоратни кучайтириши, бу борада шифокорларнинг жавобгарлигини оширишга алоҳида эътибор берилиши; иккинчидан, дори воситалари рецептини ҳужжат даражасида ишлаб чиқиш, рецептда камида даволаш муассасасининг номи, беморнинг исми, фамилияси, ёши, рецептни ёзган шифокор тўғрисидаги маълумот, шахсий муҳри, рецептнинг амал қилиш муддати, шифокорнинг телефон рақами кўрсатилиши лозим.
5378
Pikirler (8)
OQILJONOV RASULJON IBROXIMOVICH
Трамадол, Лирика, Тропикамид ва шу каби дори воситаларни ёшлар орасида нотўғри қўллаш оқибатида Ўзбекистонда айниқса Тошкент шаҳридаги ёшлар «ЗОМБИ»га айланиб бормокда. Бу каби дори воситаларида гиёҳванд моддаларида бўлгани каби ўзига ўргатиб қўйиш хусусияти бор ва у инсонни ўзига тобе этиб қўяди. Бу эса ҳаётимизда гиёҳвандликнинг янгича кўринишини пайдо қилмоқда. Мақсад хар қадамда кўпайиб кетган дорихоналардаги савдога салбий таъсир кўрсатиш эмас балки Ватанимиз келажаги бўлган ёшлар орасида турли психотроп моддаларнинг ноқонуний тарқатилишини камайтириш, наркоманияни олдини олиш, шунингдек, мазкур турдаги салбий иллатлардан қутулиш мақсадида Республикамиз худудидаги барча дорихоналардан хатто Цетрамон ва Баралгин каби дори воситаларини қатъий назоратда турадиган шифокор рецептисиз савдо килишни тўхтатиш керак деб ўйлайман. Шифокорларнинг рецепт бланкасини қатъий назоратга олиб, Республикамиз дорихоналарида шифокор рецептисиз умуман савдо қилишни тўхтатиш керак деб ўйлайман!!!
1 Avgust 2019, 10:09
ABBASOV AZIZ KABILOVICH
ССВ шифокорларга компютер билан эплаб таминласин. Купчилик шифокорлар шахсий компютер ва принтерларини ишлатади. Когозлани гапирмасаям булади.
19 Iyul 2019, 17:19
PARDAYEV ERKIN FARXOD O‘G‘LI
Birorta supermarket ochilsa chek qog'oziga istalganday qilib tartibli va aniq qilib narxlarni chiqaradigan qilib sozlashadi, odamlar sog'ligi xaqida gap ketadigan joyda nimaga bunday qilinmaydi?
3 Iyul 2019, 16:00
MIRZARAXIMOV BAXTIYORJON XOSHIMOVICH
Xa buni kompyuter variantda berish kerak.
30 May 2019, 19:14
KURBANOV ANVAR A’LAMOVICH
Eng samarali usul elektron resept joriy qilish
27 May 2019, 21:51

Pikir qaldırıw

Pikir qaldırıw ushın id.egov.uz sisteması arqalı dizimnen ótiwińiz kerek
×
Portal kartası