Portal haqqında

Ózbekstan Respublikası Konstituciyasınıń 40-statyasına muwapıq, hár kim jeke ózi yamasa basqalar menen birgelikte mámleketlik organlarǵa hám shólkemlerge, puqaralardıń ózin-ózi basqarıw organlarına, lawazımlı shaxslarga yamasa xalıq wákillerine arızalar, usınıslar hám shaǵımlar menen múrájat etiw huqıqına iye.

Ózbekstan Respublikası Prezidenti Sh. Mirziyoyev 2017-jıl 22-dekabrdegi Oliy Majlis palatalarına Joldawında nızam jobasın qabıl etiw processinde xalıqtıń olardı talqılaw sistemasınan nátiyjeli paydalanıw, bunıń ushın Internet tarmaǵında arnawlı «maydan» jaratıw zárúrligin atap ótti.

Joqarıda aytılǵanlardan kelip shıǵıp, 2018-jıl 22-yanvardaǵı Ózbekstan Respublikası Prezidentiniń PF–5308-sanlı Pármanı menen tastıyıqlanǵan Mámleketlik baǵdarlamanıń 34-bántinde Ózbekstan Respublikası Oliy Majlisi palatalarına, wálayatlıq, rayonlıq hám qalalıq Xalıq deputatları Keńeslerine arnawlı «Mening fikrim» veb-portalı arqalı jámiyetlik múrájat etiw tártibin islep shıǵıw názerde tutılǵan.

«Mening fikrim» veb-portalı puqaralardıń jámiyet hám mámleket islerin basqarıwdaǵı qatnasıwın keńeytiw, mámleketlik organlar xızmetiniń ashıqlıǵın támiyinlew, sonday-aq qabıl etiletuǵın nızamlardıń turmısqa beyimliligi hám nátiyjeliligin arttırıw maqsetinde islep shıǵılǵan.

Bul sistema járdeminde siz jámiyet hám mámleket turmısınıń áhmiyetli máseleleri boyınsha elektron jámáátlik múrájat túrinde usınıslar jiberiwińiz múmkin.

Siz tárepinen jiberilgen elektron jámáátlik múrájat sistema moderatorı — Ózbekstan Respublikası Oliy Majlisi janındaǵı Nızamshılıq mashqalaları hám parlamentlik izertlewler institutı tárepinen ekspertizadan ótkerilgennen keyin veb-portalǵa jaylastırıladı.

Jámiyet tárepinen jeterli dárejede qollap-quwatlanǵan jaǵdayda, múrájатыńız tiyisliligi boyınsha Ózbekstan Respublikası Oliy Majlisi palataları yamasa jergilikli Xalıq deputatları Keńesleri tárepinen kórip shıǵıladı.

Bul veb-portal mámleketlik informaciyalıq sistemalardı jaratıw hám qollap-quwatlaw boyınsha Birden-bir integrator bolǵan UZINFOCOM juwapkershiligi sheklengen jámiyeti tárepinen islep shıǵılǵan.

Statistika
  • 52
    Qollap-quwatlaw procesinde
  • 98
    Ekspertiza procesinde
  • 0
    Dawıs beriw procesinde
  • 8449
    Barlıq jámáátiy múrájatlar
  • 32116
    Pikirler
×
Portal kartası