Barcha yoqlab berilgan ovozlar soni
To'planishi lozim bo'lgan ovozlar soni: 10000
Ўзбекистон давлат Санъат академиясини ташкил этиш ҳақида
- Yo'nalish:Madaniyat va sport
- Sana:2019-03-03 08:14:48
- Muallif:YUSUPOV SHUXRATJON YUSUPOVICH

Jamoaviy murojaat matni
Санъат соҳаларининг ўзаро уйғунлиги ва ҳамкорлигига эришиш мақсадида барча санъат олийгоҳларини бир таълим масканига бирлаштириш лозим. Театр, мусиқа, рассомлик йўналишидаги олий таълим муассасаларининг кўплиги ва улар ўртасида ўзаро ҳамкорликнинг сустлиги Ўзбекистон санъат соҳаларининг савиясига ва келажагига салбий таъсир қилмоқда. Масаланинг иккинчи томони шундаки, ҳар йили бу олий таълим муассасаларини тугатаётган мутахассислар ўз соҳаси бўйича иш топиш муаммосига дуч келишади. Институтларнинг бирлашиши эса етишиб чиқадиган мутахассисларнинг сифатига ижобий таъсир қилиб, ўлмас, дурдона санъат асарларининг яратилишига, санъат таълимида ягона марказлашган бошқарувнинг жорий этилишига, жаҳон миқёсида ўз мавқеи ва ўрнига эга бўлган ижодкорлар мактабининг яратилишига хизмат қилади.
Jamoaviy murojaat / g'oya ni amalga oshirish
Юқоридагиларни инобатга олган ҳолда, Ўзбекистон давлат консерваторияси, Ўзбекистон давлат санъат ва маданият институти, Миллий рассомлик ва дизайн институти ва Хореография олий мактабларини бирлаштириб, улар асосида Ўзбeкистон давлат Санъат акадeмиясини ташкил этишни таклиф қиламиз.
Izohlar (5)
SATTAROV NIZOMIDDIN ISLOMIDDIN O‘G‘LI
Bemani va asossiz taklif. Qarshiman. Rassomlar va qo'shiqchilar bir yerda o'qiy olmaydilar, rassomlarga tinchlik zarur. Qo'shiqchilar va raqqoslar bir yerda o'qiy olmaydilar, qo'shiqchi o'zini o'zi eshitishi kerak. Raqqoslar va akterlar bir yerda o'qiy olmaydilar raqqoslarga musiqa zarur. Boshqa kombinatsiyalar ham bo'lmaydi. Bekorga alohida o'qitilmaydi, shu sababdan.
11 Avgust 2019, 22:11
TOYCHIYEVA FERUZA ZAKIROVNA
Бизнинг назаримизда ушбу таклифни қўллаб-қувватловчилар олий таълим тизими талабларини тўлиқ тушунмайдилар ёки тизимда ишламаганлар. Таълим муассасаларини бирлаштириш учун юқорида кўрсатилган сабаблар асос бўла олмайди. Аксинча, мавжуд таълим муассасаларида таълим сифати ва моддий техник имкониятларни янада яхшилаш чораларини кўриш керак.
19 Iyun 2019, 11:40
TOYCHIYEVA FERUZA ZAKIROVNA
Ўринсиз таклиф. Бу буюртмадан бошқа нарса эмас. Ҳар бир институтнинг ўз ўрни ва вазифаси бор. Санъат ва маданият институтининг қўшилиши ҳам натижа бермади. Бу таклиф парокандаликдан бошқа нарса эмас.
22 May 2019, 11:17
SAIDOV O‘TKIRJON MALLAYEVICH
Санъат соҳаларининг ўзаро уйғунлиги ва ҳамкорлигига эришиш мақсадида барча санъат олийгоҳларини бир таълим масканига бирлаштириш лозим.
14 May 2019, 13:47
BOZOROV FURQAT NURMATJON O‘G‘LI
to'g'ri vaa o'rinli taklif
10 May 2019, 18:16
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim