Barcha yoqlab berilgan ovozlar soni
To'planishi lozim bo'lgan ovozlar soni: 10000
-
Ko'rib chiqish jarayonida
Юртимизнинг шарқий ва ғарбий ҳудудларида транспорт қатновини қулайлаштириш ҳақида
- Yo'nalish:Savdo va uy-joy xo`jaligi
- Sana:2020-06-07 17:59:15
- Muallif:NISHANOV RUSTAM IBRAIMOVICH

Jamoaviy murojaat matni
Бугунги кунда мамлакатимизнинг водий вилоятлари ва пойтахт қисмини бошқа (марказий, жанубий ва ғарбий) ҳудудлар билан боғлашда М-39 трассаси асосий йўл сифатида фойдаланилади. Ушбу трассанинг Самарқанд вилоятидан ўтган 200 кмлик қисмининг аксарияти аҳоли гавжум масканлардан ўтганлиги ва автомобиль тезлигининг чекланиши ушбу ҳудуддан қатнашда бир қанча ноқулайликларни юзага келтиради. Ушбу ҳудудда транспорт юкламасини камайтириш учун Навоий вилояти Нурота туманини Жиззах вилояти Фориш тумани билан боғлайдиган йўл (кейинги ўринларда “шимолий йўл”) аслида транспортда қатнаш учун жуда қулай. Энг асосийси, Нурота тумани ҳудудидан ўтган 140 кмлик асфальт йўл ҳатто пойтахтнинг айрим кўчаларидан яхши ҳолатда. Фақат ушбу йўлга Жиззах шаҳри орқали ноқулай ва Ш.Рашидов тумани орқали таъмирталаб йўл орқали чиқилиши кўпчиликнинг бу йўлдан юрмаслигига асосий сабабдир. М-39 трассасини Жиззах вилояти Пахтакор тумани орқали Фориш туманига олиб бориладиган йўлни очиш жуда катта лойиҳа бўлиб, унинг ижобий томонлари қўйидагича: биринчидан, Навоий, Бухоро, Хоразм вилоятлари ва Қорақалпоғистон Республикасидан пойтахт, водий, Жиззах ва Сирдарё вилоятларига қатнаш масофасини камида 20-30 кмга қисқартиради ва қатнашни янада қулайлаштириш; иккинчидан, аҳоли гавжум масканлардан ўтган ҳудудларда турли йўл транспорт ҳодисаларининг камайиши; учинчидан, М-39 трассасининг Самарқанд вилояти ҳудудидан ўтган қисми юкламасини камайтиради; тўртинчидан, Айдар-Арнасой кўллар тизимида режалаштирилаётган жуда катта эко-туристик лойиҳалар ривожига улкан фойда беради; бешинчидан, Фориш, Нурота ва Томди каби ривожланмай қолаётган ҳудудларнинг ривожланишига (турли хизмат кўрсатиш соҳаларининг ривожланиши) сабаб бўлади, инвесторлар қизиқиши ва оқимини оширади; олтинчидан, пойтахт ва водий вилоятларидан Учқудуқ, Зарафшон шаҳарлари ва Томди туманига масофани 100 кмгача қисқартиришга хизмат қилади; еттинчидан, транспорт харажатларини камайтиради; (Фориш, Нурота туманларида режалаштирилаётган лойиҳалар учун қисқа масофа жуда муҳим.
Jamoaviy murojaat / g'oya ni amalga oshirish
Юқоридаги ижобий жиҳатларни инобатга олиб, Жиззах вилояти Пахтакор тумани орқали М-39 трассаси ва Фориш туманини боғловчи автомобиль йўлини тиклашни таклиф қиламан ва ушбу лойиҳаларга алоҳида эътибор беришни сўрайман.
Izohlar (60)
XUDOYBERDIYEV DILSHOD RIXSIBOY O‘G‘LI
Сколько дней не должен превышать срок рассмотрения и принятия решений по обращениям компетентными государственными органами?
– не должен превышать 60 дней.
Источник: https://petition.gov.uz/ru/faq/index?page=3&per-page=10
20 Iyun 2025, 15:07
JAVKACHOVA MAHLIYO BEKNAZAROVNA
ajoyib taklif. muammoni yechish kerak
6 Mart 2025, 12:03
SOLIYEVA AZIZAXON G‘AYRADJON QIZI
Men Soliyeva Aziza namangan viloyati uchqorgon tumani qachondan beri ariza beraman jarayotda deb natija kelmayapdi sababi nima
11 Fevral 2025, 13:30
MAMATOV O‘TKIRJON RAMAZONOVICH
Men Zarafshonda yashayman. Agar Toshkent-Zarafshon yo'li 100 km.ga qisqarsa, bu Toshkentdan keladigan tovarlar narx navosiga ham o'z ta'sirini ko'rsatadi.
11 Dekabr 2024, 19:52
AROMOV TOLMAS BAXTIYOROVICH
Ҳозирги кунда Республикамизда туризм соҳаси риважланаётга бир вақтда жуда яхши иш бўлар эди. Ҳалқни узоғи яқин ва фаровон бўлади.
28 Noyabr 2024, 15:21
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim



Yana ko'rsatish