Barcha yoqlab berilgan ovozlar soni
To'planishi lozim bo'lgan ovozlar soni: 10000
-
Ko'rib chiqilgan
Транспорт воситасини бошқариш ҳуқуқини берувчи ҳужжатларнинг мавжудлигини рақамли технологиялар (планшет) воситасида аниқлаш ва ушбу ҳужжатлар ҳайдовчининг ёнида бўлмаганлиги учун жавобгарликни қўллаш амалиётини бекор қилиш ҳақида
- Yo'nalish:Qonunchilik
- Sana:2021-03-01 15:40:55
- Muallif:URINOV SHERZOD SHARIPOVICH

Jamoaviy murojaat matni
Бугунги кунда турмуш ташвишлари билан бўлиб аксарият ҳолатларда ҳайдовчилар муайян ҳужжатларни уйда ёки ишда қолдирган ҳолда транспорт воситасини ҳайдашига тўғри келиб қолади. Бироқ ушбу ҳолатда ДЙҲХХ ходимлари томонидан ҳайдовчига жарима солинади. Шу сабабли, йўл ҳаракати хавфсизлиги тизимига замонавий рақамли технологияларни жорий этиш керак. Шу мақсадда, Ўзбекистон Республикаси Маъмурий жавобгарлик тўғрисидаги кодексининг йўл ҳаракати қоидаларида назарда тутилган ҳужжатлари бўлмаган шахсларнинг транспорт воситаларини бошқарганлиги учун жавобгарликни назарда тутувчи 135-моддаси 1-қисмига қуйидаги ўзгартиш ва қўшимчаларни киритиш мақсадга мувофиқ: “Транспорт воситаларини бошқариш ҳуқуқини берувчи ҳужжатлари ёнида бўлмаган ҳайдовчиларнинг транспорт воситаларини бошқариши, агар мазкур ҳужжатларнинг махсус техник восита (планшет) ёрдамида ҳақиқатда мавжудлигини аниқлашнинг имкони бўлмаган тақдирда”.
Мазкур ўзгартишнинг моҳияти шундан иборатки, ҳозирда барча ДЙҲХХ ходимлари махсус планшетлар билан жиҳозланган ва улар ягона маълумотлар базасига уланган. Маълумотлар базасида транспорт воситаларини қайд этиш гувоҳномалари ва ҳайдовчилик гувоҳномалари ҳақидаги маълумотлар мавжуд. Маълумотлар базасида ҳайдовчилар тўғрисидаги барча маълумотлар жойлаштирилган ва ушбу базага бармоқ изи орқали идентификация қилиш тизими жорий этилган бўлса, у ҳолда тегишли ҳужжатлар ҳайдовчининг ёнида бўлмаганлиги учун жарима қўллашнинг нима зарурати бор?! Шу сабабли, хорижий давлатларнинг йўл ҳаракати хавфсизлиги соҳасидаги бой тажрибасини ўрганиш, унинг ижобий жиҳатларини жорий этиш мамлакатимизда ҳам йўл ҳаракати хавфсизлигини рақамлаштириш борасидаги ишларни самарали амалга оширишда муҳим аҳамият касб этади.
Jamoaviy murojaat / g'oya ni amalga oshirish
Юқоридагиларни инобатга олган ҳолда, транспорт воситасини бошқариш ҳуқуқини берувчи ҳужжатларнинг мавжудлигини рақамли технологиялар (планшет) воситасида аниқлаш ва ушбу ҳужжатлар ҳайдовчининг ёнида бўлмаганлиги учун жавобгарликни қўллаш амалиётини бекор қилишни таклиф этамиз.
Vakolatli davlat organi qarori
Sana:
2021-06-03 10:38:24
Ўзбекистон Республикаси Вазирлар Маҳкамасининг «Mening fikrim» веб-портали орқали йўлланган "Транспорт воситасини бошқариш ҳуқуқини берувчи ҳужжатларнинг мавжудлигини рақамли технологиялар (планшет) воситасида аниқлаш ва ушбу ҳужжатлар ҳайдовчининг ёнида бўлмаганлиги учун жавобгарликни қўллаш амалиётини бекор қилиш ҳақида"ги электрон жамоавий мурожаатни кўриб чиқиш якунлари бўйича қабул қилинган қарор
Izohlar (226)
ABDIYEV NE’MATJON SANOQULOVICH
taklif nima haqidayu qaror nima haqida chiqqan.barbir olib yurarkanmiz pravani
13 Aprel 2026, 09:40
ASADOV YO‘LCHI BAXTIYOROVICH
Розиман
4 Noyabr 2025, 12:29
TURANBAYEV SHUXRAT YULDOSHBOYEVICH
Bu qarorga 1000 foiz qoʻshilaman, haydovchini oldida hujjatlarini olib yurishini talab qilinishini tugatish kerak, bitta barmogʻini planshetga tekkizish orqali tekshirilsa boʻldi hammasi aniq boʻladi
31 Mart 2025, 17:06
ALIMOV SUNNATULLA ABDUSAITOVICH
Аризада кўрсатилган масала очиқ қолган. Аризада 2023 йил май-июн ойларида иш хақимдан ўтган 7.124.000 сўм пул қайоққа кетганига ойдинлик киритишни сўраганман.
10 Mart 2025, 09:53
TOG‘OYEV UCHQUN OLIMOVICH
Agar qaror kuchga kirsa yaxshi
3 Mart 2025, 12:25
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim



Yana ko'rsatish