Created with Highcharts 5.0.4

Barcha yoqlab berilgan ovozlar soni


Умумтаълим мактаблари ўқитувчиларига малака тоифаларини бериш тартибини такомиллаштириш ҳақида
  • Yo'nalish:Madaniyat va sport
  • Sana:2022-01-31 17:14:10
  • Muallif:ABDIKARIMOV BEKCHAN TANGRBERGANOVICH
Jamoaviy murojaat matni
Ҳозирда мамлакатимизда таълим соҳасига алоҳида эътибор берилиб, ёшларимизнинг сифатли таълим олиши учун кенг кўламли ислоҳотлар амалга оширилиб келинмоқда. Бугунги кунда Ўзбекистонда турли босқичларга эга бўлган таълим тизими йўлга қўйилган бўлиб, ушбу тизимда умумий ўрта таълим босқичи муҳим аҳамият касб этади. Умумий ўрта таълим босқичи бутун таълим тизимининг асосини ташкил этади. Юртбошимиз Ш. Мирзиёев таъбири билан айтганда “Таълим ва тарбиянинг асоси, пойдевори бу – мактаб. Мактабни мактаб қиладиган куч эса ўқитувчилардир”. Шу ўринда, умумтаълим мактабларидаги ўқитувчиларимиз фаолияти билан боғлиқ бир масалага тўхталмоқчиман. Барчамизга маълумки, умумтаълим мактабларида ҳаттоки баъзи олий ёки биринчи тоифали ўқитувчиларимиз ҳам ўз соҳаларининг қанчалик етук ва кучли мутахассислари бўлишмасин, ўз билимларини ўқувчиларга етказишда ва ўргатишда қийинчиликларга дуч келишади. Аксарият ҳолатларда ҳеч қандай тоифага эга бўлмаган оддий ўқитувчилар ўқувчиларга билим беришда олий ёки биринчи тоифали ўқитувчилардан ҳам яхшироқ натижаларни қайд этиши мумкин. Шундан келиб чиқиб, умумтаълим мактаблари ўқитувчиларига малака тоифалари берилишида улар ўқитаётган ўқувчиларнинг ўзлаштириш кўрсаткичларини ҳам инобатга олиш керак, деб ҳисоблайман.
Jamoaviy murojaat / g'oya ni amalga oshirish
Юқоридагиларни инобатга олган ҳолда, Халқ таълими вазирлиги умумтаълим мактабларидаги ўқитувчиларга малака тоифаларини беришда нафақат аттестация натижаларини, балки ўқувчиларнинг ўзлаштирган билим кўрсаткичларини ҳам инобатга олишини ҳамда ушбу тартибни жорий қилиш мақсадида тегишли норматив-ҳуқуқий ҳужжатларга ўзгартиш ва қўшимчалар киритилишини таклиф қиламиз.
3484
Izohlar (9)
ZAYNUTDINOV ASOMIDDIN DJALALITDINOVICH
Ўқитувчи бу масъулияти жуда хам мураккаб ва улкан бўлган касб. Жавобгарлиги хам шундай. Ўқитувчи эккан "уруғ" 15-20 йилдан кейин хосил беришни бошлайди. Ё яхши ё ёмон....
3 Mart 2025, 18:06
RAHIMOV XUDOYBERDI AKMAL O‘G‘LI
Umuman olganda o`qituvchilarni attestatsiyadan o`tkazish tartbini yangilash kerak yoki umuman boshqacha tizim joriy qilinishi kerak. Hozirgi o`tkazilayotgan attestatsiyalarga qaraydigan bo`lsak, 10 yil davomida ishlagan malakali o`qituvchi ham 30 ta yoki 40 ta testni ishlab toifasidan ajralib qolmoqda. O`qituvchini shuncha yillik tajribasini baholaydigan bir mezon mavjud emas. 30 dona qanaqadir test bilan o`qituvchining shuncha yillik mehnati yo`qqa chiqarib qo`yilmayotganmikan?
10 Noyabr 2022, 22:17
XOLMATOV MIRSULTON NISHONALIYEVICH
Assalomu aleykum muximi o'zimiz o'zimizni aldashimiz kerak emas.
8 Noyabr 2022, 18:04
DO‘SMATOV TO‘G‘ONBOY G‘ANIYEVICH
salom. ўқувчиларнинг ўзлаштирган билим кўрсаткичларини ҳам инобатга олишни йўлга қўйса Ўқитувчилар бахолашни суний ошириб юбориш эхтимоли хам мавжуд
15 Oktabr 2022, 15:16
OCHILOV QURBONMUROT NORMUROTOVICH
Juda yaxshi
3 Oktabr 2022, 21:08

Izoh qoldirish

Izoh qoldirish uchun id.egov.uz tizimi orqali ro'yxatdan o'tishingiz lozim
×
Portal xaritasi