Барча ёқлаб берилган овозлар сони
Тўпланиши лозим бўлган овозлар сони: 10000
Умумтаълим мактаблари ўқитувчиларига малака тоифаларини бериш тартибини такомиллаштириш ҳақида
- Йўналиш:Маданият ва спорт
- Сана:2022-01-31 17:14:10
- Муаллиф:ABDIKARIMOV BEKCHAN TANGRBERGANOVICH
Жамоавий мурожаат матни
Ҳозирда мамлакатимизда таълим соҳасига алоҳида эътибор берилиб, ёшларимизнинг сифатли таълим олиши учун кенг кўламли ислоҳотлар амалга оширилиб келинмоқда. Бугунги кунда Ўзбекистонда турли босқичларга эга бўлган таълим тизими йўлга қўйилган бўлиб, ушбу тизимда умумий ўрта таълим босқичи муҳим аҳамият касб этади. Умумий ўрта таълим босқичи бутун таълим тизимининг асосини ташкил этади. Юртбошимиз Ш. Мирзиёев таъбири билан айтганда “Таълим ва тарбиянинг асоси, пойдевори бу – мактаб. Мактабни мактаб қиладиган куч эса ўқитувчилардир”. Шу ўринда, умумтаълим мактабларидаги ўқитувчиларимиз фаолияти билан боғлиқ бир масалага тўхталмоқчиман. Барчамизга маълумки, умумтаълим мактабларида ҳаттоки баъзи олий ёки биринчи тоифали ўқитувчиларимиз ҳам ўз соҳаларининг қанчалик етук ва кучли мутахассислари бўлишмасин, ўз билимларини ўқувчиларга етказишда ва ўргатишда қийинчиликларга дуч келишади. Аксарият ҳолатларда ҳеч қандай тоифага эга бўлмаган оддий ўқитувчилар ўқувчиларга билим беришда олий ёки биринчи тоифали ўқитувчилардан ҳам яхшироқ натижаларни қайд этиши мумкин. Шундан келиб чиқиб, умумтаълим мактаблари ўқитувчиларига малака тоифалари берилишида улар ўқитаётган ўқувчиларнинг ўзлаштириш кўрсаткичларини ҳам инобатга олиш керак, деб ҳисоблайман.
Жамоавий мурожаат / ғоя ни амалга ошириш
Юқоридагиларни инобатга олган ҳолда, Халқ таълими вазирлиги умумтаълим мактабларидаги ўқитувчиларга малака тоифаларини беришда нафақат аттестация натижаларини, балки ўқувчиларнинг ўзлаштирган билим кўрсаткичларини ҳам инобатга олишини ҳамда ушбу тартибни жорий қилиш мақсадида тегишли норматив-ҳуқуқий ҳужжатларга ўзгартиш ва қўшимчалар киритилишини таклиф қиламиз.
Изоҳлар (8)
![](/img/avatar_icon.png)
RAHIMOV XUDOYBERDI AKMAL O‘G‘LI
Umuman olganda o`qituvchilarni attestatsiyadan o`tkazish tartbini yangilash kerak yoki umuman boshqacha tizim joriy qilinishi kerak. Hozirgi o`tkazilayotgan attestatsiyalarga qaraydigan bo`lsak, 10 yil davomida ishlagan malakali o`qituvchi ham 30 ta yoki 40 ta testni ishlab toifasidan ajralib qolmoqda. O`qituvchini shuncha yillik tajribasini baholaydigan bir mezon mavjud emas. 30 dona qanaqadir test bilan o`qituvchining shuncha yillik mehnati yo`qqa chiqarib qo`yilmayotganmikan?
10 Ноябрь 2022, 22:17
![](/img/avatar_icon.png)
XOLMATOV MIRSULTON NISHONALIYEVICH
Assalomu aleykum muximi o'zimiz o'zimizni aldashimiz kerak emas.
8 Ноябрь 2022, 18:04
![](/img/avatar_icon.png)
DO‘SMATOV TO‘G‘ONBOY G‘ANIYEVICH
salom. ўқувчиларнинг ўзлаштирган билим кўрсаткичларини ҳам инобатга олишни йўлга қўйса Ўқитувчилар бахолашни суний ошириб юбориш эхтимоли хам мавжуд
15 Октябрь 2022, 15:16
![](/img/avatar_icon.png)
OCHILOV QURBONMUROT NORMUROTOVICH
Juda yaxshi
3 Октябрь 2022, 21:08
![](/img/avatar_icon.png)
XASANOV SHOXJOXON BAXTIYOROVICH
Яхши таклиф. Хозирда тоифани фақат тест ёдлаб олишмоқда. Болаларга билим бермаса бу нега керак?
2 Октябрь 2022, 09:17
Изоҳ қолдириш
Изоҳ қолдириш учун id.egov.uz тизими орқали рўйхатдан ўтишингиз лозим