Barcha yoqlab berilgan ovozlar soni
To'planishi lozim bo'lgan ovozlar soni: 10000
Тошкент метрополитени бекатлари сонини янада кўпайтириш ҳақида
- Yo'nalish:Xavfsizlik
- Sana:2022-10-06 21:40:08
- Muallif:TOSHMURODOV ILYOS ZOIR O‘G‘LI

Jamoaviy murojaat matni
Жамоат транспорти жамият ва давлат ҳаётида муҳим ўрин эгаллайди. Чунки жамоат транспортида ҳаракатланиш инсонлар учун транспортнинг бошқа турларида ҳаракатланишдан анча арзон, хавфсиз ва қулай ҳисобланади. Юртимизда аҳолининг аксарияти жамоат транспортидан фойдаланиб келади. Ҳозирда мамлакатимиздаги кўплаб шаҳарларда унинг бир нечта турлари фаолият юритмоқда. Жамоат транспортлари орасида “Тошкент метрополитени”, яъни метро жамоат транспорт тури алоҳида ўринни эгаллайди. Сўнгги вақтларда Тошкент шаҳри йўлларида сутканинг исталган пайтида транспорт воситаларининг оқими жуда кўплиги натижасида юзага келаётган тирбандликлар метродан фойдаланиш талабини янада оширмоқда. Аммо Тошкент метрополитенининг асосий муаммоларидан бири – унинг бекатлари Тошкент шаҳрининг бутун ҳудудини қамраб олмаганлигидадир. Масалан, Тошкент педиатрия тиббиёт институти жойлашган, Тошкент шаҳри Юнусобод туманининг “Боғишамол” кўчасидаги йўлларда тирбандликлар, пиёдалар ҳаётини хавф остига қўйиши мумкин бўлган ва йўл ҳаракати қатнашчиларига ноқулайликлар туғдириб келаётган ҳолатлар доим учрайди. Юнусобод туманининг “Боғишамол” кўчасигача эса метро йўллари етиб келмаган. Юнусобод туманининг “Боғишамол” кўчасигача “Тошкент метрополитени” йўлларининг қурилиши ушбу ҳудуд аҳолиси, талабалар, хориждан келган меҳмонлар ва транспорт воситалари ҳайдовчилари учун кўплаб қулайликларни яратган бўлар эди.
Jamoaviy murojaat / g'oya ni amalga oshirish
Юқоридагилардан келиб чиққан ҳолда, Ўзбекистон Республикаси Вазирлар Маҳкамаси ва Халқ депутатлари Тошкент шаҳар Кенгаши бошқа ваколатли давлат органлари билан биргаликда “Тошкент метрополитени” йўлларини Тошкент шаҳри Юнусобод туманининг “Боғишамол” кўчасигача қуриш масаласини ўрганиб чиқиб, ижобий ҳал қилишини таклиф қиламиз.
Izohlar (6)
HOSHIMOV DOSTONJON RAMAZON O‘G‘LI
Bugungi kunda poytaxtdagi talabalarga yôlda yurish va boshqa imkoniyatlar yetarli darajada deb o'ylayman.Endi viloyatlarda ham avtobus va iloji boricha metro yo'nalishini joriy etishni taklif qilaman.Atto kartalarini ham keng tarmoqqa uzaytirish poytaxtdagidek aholiga qulay imkoniyatni ochib beradi
15 Aprel 2023, 00:59
QOSIMOV ALI IBROHIM O‘G‘LI
Янада, янада, янада... Тошкент ва ундаги инфратузилмалар резина эмас!
Энди бор куч ва имкониятларни вилоятлардаги шароитни яхшилаш, энг биринчи навбатда аҳолининг газ, электр, сув каби оддий талабларини қондириш, мактаб, касалхоналар, истироҳат боғларини кўпайтириш, ички ва ташқи йўллар ҳолатини яхшилаш ва жойларда иш ўринларини яратиш зарур.
4 Aprel 2023, 04:36
OBIDJONOV ABDUXAMID ULUG‘BEK O‘G‘LI
Boshqa davlatlarning puliga emas o'z pulimizga qurilsa yaxshi bo'lar edi. Chunki chet davlatlar pulni (qarzni) albatta o'sib boruvchi foizlar evaziga beradi. Bu esa o'z navbatida byudjetga va xalqning cho'ntagiga zarardir.
Keyin yana agarda qarz olishdan boshqa chora bo'lmasa o'sha pullarni to'g'ri maqsadlarga ishlatilishini qattiq nazorat qilish kerak bo'ladi. Soddaroq qilib aytganda poraxo'rlar cho'ntagiga kirib ketishini oldini olish kerak!
12 Mart 2023, 10:03
ABDUG‘ANIYEV SARVAR G‘AYRATJON O‘G‘LI
adsdasdasd
18 Fevral 2023, 22:29
RAXMONOVA NODIRABEGIM NU’MON QIZI
Eng kerakli taklif
7 Oktabr 2022, 10:53
Izoh qoldirish
Izoh qoldirish uchun id.egov.uz tizimi orqali ro'yxatdan o'tishingiz lozim
Yana ko'rsatish