Jámáátiy múrájat teksti:
Házirgi kúnde jaslardıń kitap oqıwǵa bolǵan qızıǵıwshılıǵın arttırıw, sonday-aq, olardıń bos waqtın mazmunlı ótkeriwi ushın qolaylı sharayatlar jaratıw áhmiyetli esaplanadı. Kitapxanalarda túrli temalardaǵı kitaplar bar bolıwına qaramastan, ayırım puqaralar ózleri oqıp bolǵan kitapların basqa kitap oqıwshılar menen almastırıwǵa qızıǵıwı múmkin.
Kitapxanalarda arnawlı kitap almasıw múyeshleriniń shólkemlestiriliwi puqaralarǵa ózleri oqıp bolǵan kitapların basqa kitap oqıwshılar ushın qaldırıw hám olardıń ornına basqa kitaplar alıw imkaniyatın beredi. Bul jaslardıń kitap oqıwǵa bolǵan qızıǵıwshılıǵın arttırıwǵa, sonday-aq, kitaplardan qayta paydalanıwǵa járdem beriwi múmkin.
Usıǵan baylanıslı Ózbekstan Respublikası Bilimlendiriw hám ilim ministrligine mámleketlik kitapxanalarda puqaralar arasında kitap almasıw múyeshlerin shólkemlestiriw boyınsha ilajlar kóriw, sonday-aq, olardıń xızmet alıp barıw tártiplerin islep shıǵıw máselesin kórip shıǵıwdı usınamız.
Jámáátiy múrájat / ideyanı ámelge asırıw:
Bul usınıstı ámelge asırıw ushın mámleketlik kitapxanalarda kitap almasıw múyeshlerin shólkemlestiriwdiń úlgilik tártiplerin islep shıǵıw maqsetke muwapıq.
Bul tártipte kitaplarni jaylastırıw ushın arnawlı orınlar ajıratıw, puqaralardıń ózleri oqıp bolǵan kitapların óz erkine qaray qaldırıwı hám olardıń ornına basqa kitaplar alıwı ushın múmkinshilik jaratıw, sonday-aq, kitap almasıw procesin kitapxana xızmetkerleri tárepinen muwapıqlastırıw máselelerin názerde tutıw múmkin.
Bul baslama jaslar arasında kitap oqıw mádeniyatın rawajlandırıwǵa, kitaplardan jáne de nátiyjeli paydalanıwǵa, sonday-aq, puqaralardıń óz ara bilim almasıwı ushın qosımsha imkaniyatlar jaratıwǵa xızmet etiwi múmkin.