- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 10
Usı jıldıń 2-avgust kúni Oliy Majlis Nızamshılıq palatasınıń Qorǵanıw hám qáwipsizlik máseleleri komitetiniń «Mámleketlik bajıxana xızmeti haqqında»ǵı Nızamnıń jańa redakciyadaǵı joybarın dodalawǵa baǵıshlanǵan keńeytilgen májilisi bolıp ótti.
Ilajda parlament aǵzaları, Ózbekstan Respublikası Mámleketlik bajıxana komitetiniń juwapker xızmetkerleri, sonday-aq, ǵalaba xabar quralları wákilleri qatnastı.
Májiliste atap ótilgenindey, sońǵı jıllarda barlıq tarawlar sıyaqlı bajıxana sistemasında da keń kólemli reformalar ámelge asırılmaqta. Háreketler strategiyasına muwapıq, Ózbekstan Respublikası Prezidentiniń «Ózbekstan Respublikası Mámleketlik bajıxana xızmeti organları xızmetin túpten jetilistiriw ilajları haqqında»ǵı Pármanı hám «Ózbekstan Respublikası Mámleketlik bajıxana xızmeti organları xızmetin shólkemlestiriw haqqında»ǵı Qarar qabıl etildi.
Sırtqı ekonomikalıq xızmet tarawında mámleketlik xızmetlerdiń ashıq-aydınlıǵın hám olardan erkin paydalanıw múmkinshiligin arttırıw, mámlekettiń ekonomikalıq máplerin esapqa alǵan halda eksport-import operaciyalarınıń teń salmaqlılıǵın támiyinlew — isbilermenlik xızmetin jedel rawajlandırıw, investiciya hám eksport potencialın joqarılatıw, xalıqtıń turmıs sharayatın hám sapasın jaqsılawdıń eń áhmiyetli shártleri bolıp esaplanadı.
Usı mániste, májilis qatnasıwshılarınıń pikirinshe, 1997-jılı qabıl etilgen Ózbekstan Respublikasınıń «Mámleketlik bajıxana xızmeti haqqında»ǵı Nızamınıń kóplegen normaları búgingi kún talaplarına juwap bermeydi. Sol sebepli, Prezidentimiz tárepinen belgilengen ústin wazıypalardan kelip shıǵıp, bul Nızamnıń jańa redakciyasın qabıl etiw zárúrligi júzege kelmekte.
«Mámleketlik bajıxana xızmeti haqqında»ǵı Nızamnıń jańa redakciyası joybarı Nızamshılıq palatası tárepinen birinshi oqıwda qabıl etildi. Házirgi waqıtta bul joybardı Qorǵanıw hám qáwipsizlik máseleleri komiteti tárepinen ekinshi oqıwǵa tayarlaw jumısları alıp barılmaqta.
Ilajda Nızam joybarınıń jańa redakciyasınıń maqseti, mazmun-mánisi, ámeldegi nızamnan parıqları, onı jáne de jetilistiriw boyınsha islep shıǵılǵan usınıslar hám pikirler keń túrde dodalandı.
Atap ótiw kerek, Nızam joybarı menen xızmet wazıypaların atqarıw waqtında nızamlılıq, ashıqlıq, ashıq-aydınlıq principlerine ámel etiw, sonday-aq, fizikalıq hám yuridikalıq shaxslardıń huqıqları, erkinlikleri hám nızamlı máplerin saqlaw bajıxana organlarınıń minneti retinde belgilenbekte. Bajıxana tarawındaǵı huqıqbuzıwshılıqlardıń aldın alıw jumısların ámelge asırıwdı bajıxana organlarınıń tiykarǵı wazıypalarınıń biri retinde belgilew, isbilermenlik xızmetine nızamsız aralasıw hám jeke múlk iyeleriniń huqıqların buzǵanlıq ushın bajıxana organları xızmetkerleriniń juwapkershiligin arttırıw, sonday-aq, bajıxana organlarında xızmet ótew tártipleri hám shártlerin tolıq belgilew usınıs etilmekte.
Ilaj juwmaǵında Nızam joybarın jáne de jetilistiriw hám onı jaqın arada Nızamshılıq palatasınıń ulıwma májilisinde ekinshi oqıwda dodalawǵa kirgiziw boyınsha Komitettiń wazıypaları belgilep alındı.