Mámleket basshıları sóylesiwlerdiń nátiyjelerinen qanaatlanǵanlıǵın bildirdi

Sóylesiwlerden soń Prezidentler Shavkat Mirziyoev hám Rejep Tayyip Erdoǵan Strategiyalıq birge islesiw keńesiniń birinshi májilisiniń juwmaqları haqqındaǵı birgeliktegi bildiriwge qol qoydı. Sawda, ekonomika, texnologiyalar tarawlarında birge islesiw boyınsha da bir qatar hújjetlerge qol qoyıldı.

Ǵalaba xabar qurallarınıń wákilleri ushın brifingte Rejep Tayyip Erdoǵan Ózbekstan Prezidentiniń saparınan quwanıshlı ekenin atap ótti.

- Óz bilimi, dóretiwshiligi menen dúnyaǵa jaqsılıq inam etken Imam Buxariy, Imam Moturidiy, Áliy Qusshı, Áliysher Nawayı sıyaqlı ullı babalarımızdı tárbiyalap kamalǵa keltirgen mámleket delegaciyasınıń saparın biz oǵada qádirleymiz. Ózbekstan menen bekkem tuwısqanlıq baylanıslarına súyengen qatnasıqlarımız strategiyalıq sheriklik dárejesine kóterilgenin joqarı qádirleymiz, - dedi Túrkiya Prezidenti.Prezident Shavkat Mirziyoev joqarı dárejedegi Ózbekstan - Túrkiya strategiyalıq birge islesiw keńesiniń birinshi májilisi xalıqlarımızdıń doslıq qatnasıqları tariyxında jańa bet ashqanın, siyasiy, sawda-ekonomikalıq, investiciyalıq, transport, mádeniy-gumanitarlıq hám basqa da tarawlardaǵı birge islesiwge baylanıslı keń kólemli máseleler hár tárepleme dodalanǵanın atap ótti.- Birgeliktegi joybarlardı ámelge asırıw sóylesiwimizdiń oraylıq temalarınan biri boldı. Túrkiyanıń jetekshi kompaniyaları menen birgelikte bahası bir milliard dollardan aslam jańa joybarlar islep shıǵılmaqta, – dedi Shavkat Mirziyoev.

Tárepler Birlesken Milletler Shólkemi, Islam sheriklik shólkemi hám Túrik tilli mámлекетler sheriklik keńesi sheńberindegi máselelerdi de qamtıǵan halda, aymaqlıq hám xalıqaralıq mashqalalardıń kópshiligi boyınsha kózqaraslarınıń uqsas ekenligin tastıyıqladı. Zamanagóy qáwip-qáterlerge qarsı gúresiw tarawındaǵı sheriklikti kúsheytiw zárúrligi atap ótilди.

Maǵrifatlı islamdı keńnen nasiyatlaw, mádeniyat, ilim, bilimlendiriw, densawlıqtı saqlaw hám sport tarawlarında birgelikтеги ilajlardı ótkeriwdiń áhmiyeti atap ótilди.

– Dástúriy doslıǵımızdı, búgingi kúnde qardas xalıqlarımızdıń gúlleniwi, tınıshlıǵı hám abadan turmısı máplerine xızmet etip rawajlanıp atırǵan keń qamtıwlı hám keleshegi úlken sherikligimizdi jańa basqıshqa kóteriw ushın barlıq múmkinshiliklerden paydalanıwǵa tayarmız. Sóylesiwlerimiz juwmaǵında qol qoyılǵan Birgelikтеги bayanatta dál usı principler óz sáwlelenisin тапты, – dep atap ótti mámleketimiz basshısı.

Rejep Tayyip Erdoǵan Ózbekstan Prezidentiniń saparınan quwanıshlı ekenligin bildirdi hám sóylesiwler nátiyjelerinen qanaatlanǵanın atap ótti.

Shavkat Mirziyoyevtiń Túrkiyaǵa saparı dawam etpekte.

| 11 19.02.2020



×
Portal kartası