- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 10
2018-jıl 26-sentyabr kúni Ózbekstan Respublikası Oliy Majlisi Nızamshılıq palatasınıń Qorǵanıw hám qáwipsizlik máseleleri boyınsha komiteti tárepinen «Ekstremizmge qarsı gúrestiń nızamshılıq tiykarları» temasında dóńgelek stol shólkemlestirildi.
Ekstremizmge qarsı gúreste eń baslısı — nızam ústinligi
Ilajǵa deputatlar, Tashkent áskeriy okrugı hám Tashkent wálayatı hákimligi wákilleri, áskeriy xızmetkerler hám ǵalaba xabar quralları xızmetkerleri qatnastı.
Ilajda atap ótilgenindey, elimizde Prezidentimiz basshılıǵında Qurallı Kúshler sistemasın reformalaw hám modernizaciyalaw, tarawǵa tiyisli normativlik-huqıqıy hújjetlerdi jetilistiriw boyınsha izbe-iz jumıslar alıp barılmaqta. Áskeriy-ma’muriy sektorlar iskerligi jolǵa qoyıldı, joqarı mamanlıqqa iye áskeriy kadrlardı tayarlaw, áskeriy xızmetkerler hám jaslardı watan súyiwshilik ruwxında tárbiyalawǵa ayrıqsha itibar qaratılmaqta.
Prezidentimiz tárepinen 2017-jıl 12-dekabrde qabıl etilgen «Qorǵanıw ministrligi hám jergilikli mámleketlik hákimiyat organları iskerliginiń nátiyjeliligin arttırıw, jaslardı áskeriy watan súyiwshilik ruwxında tárbiyalaw hám olardıń mámleket qorǵanıw qábiletin bekkemlewdegi juwapkershiligin arttırıw boyınsha ilajlar haqqında»ǵı Pármanda belgilengen wazıypalardı ámelge asırıw boyınsha keń kólemli jumıslar alıp barılmaqta.
Bul tarawdaǵı reformalardı ámelge asırıwda, ásirese, Qorǵanıw doktrinasınıń orınlanıwın nátiyjeli támiyinlewde parlament palataları, komitetler hám frakciyalar, sonday-aq deputatlardıń qatnasıwı áhmiyetli orın tutadı. Bul processte parlament qadaǵalawı múmkinshiliklerinen paydalanıw zaman talabına aylanbaqta.
Ózbekstan Respublikası Prezidenti, Qurallı Kúshler Joqarı Bas Qolbasshısı Shavkat Mirziyoyev 2018-jıl fevral ayında Buxara wálayatındaǵı Ońtústik-Batıs arnawlı áskeriy okrugına qaraslı áskeriy bólimlerdiń birinde bolıp, úlgili sektordıń iskerligi menen jaqınnan tanısqan edi. Sol waqıtta mámleket basshısı elimizdiń qorǵanıw sistemasında ámelge asırılıp atırǵan reformalardıń maqseti armiyanı xalqımızǵa jaqınlastırıwdan ibarat ekenin atap ótken. Watan qorǵawshılardıń xızmet sharayatların jaqsılaw, olardıń shańaraǵı hám balalarınıń sociallıq qorǵalǵanlıǵın kúsheytiw boyınsha keń kólemli jumıslar alıp barılıp atırǵanın da aytıp ótken edi.
Shınında da, elimizde áskeriy-ma’muriy sektorlar iskerliginiń shólkemlestiriliwi tarawdıń rawajlanıwı hám sistemanıń jetilisiwi, sonday-aq áskeriy xızmetkerler ushın zárúrli sharayatlar jaratıwda áhmiyetli áhmiyetke iye.
Tıńlaw dawamında Tashkent wálayatında shólkemlestirilgen hám wálayat hákimi basshılıq etip atırǵan áskeriy-ma’muriy sektorda ámelge asırılıp atırǵan jumıslar haqqında tarawǵa juwapker wákillerdiń maǵlıwmatı tıńlandı. Atap aytqanda, infrastrukturanı rawajlandırıw, áskeriy xızmetkerlerdi turǵın jay menen támiyinlew, áskeriy bólimler hám mákemelerdi sapalı azıq-awqat ónimleri menen támiyinlew, rezervtegi oficer kadrlardıń jumısın jolǵa qoyıw, bilimlendiriw mákemelerinde jas áwladtı watan súyiwshilik ruwxında, belsendi turmıslıq poziciyaǵa iye insanlar etip tárbiyalaw, áskeriy xızmetkerlerdiń bos waqtın mazmunlı ótkeriwi ushın jaratılıp atırǵan sharayatlar haqqında maǵlıwmat berildi.
Ilajda Prezidentimizdiń usı jıldıń 10-yanvarında Qáwipsizlik keńesiniń keńeytilgen quramdaǵı májilisinde sóylegen bayanatında belgilengen wazıypalardıń orınlanıwın támiyinlew maqsetinde 2018-jılǵa mólsherlengen «Jol kartası» boyınsha ámelge asırılǵan jumıslarǵa da ayrıqsha toqtalıp ótilди. Atap ótilgenindey, Chirchiq qalasında 8,8 milliard sum qarjı esabınan respublikamızda birinshi márte «Tank biatlonı» áskeriy-taktikalıq oqıw shınıǵıwların ótkeriw maydanı qurılǵan. Bunnan tısqarı, elimizde birinshi márte 10 mıńnan artıq áskeriy xızmetker hám puqaralar qatnasında «Tank biatlonı» áskeriy-taktikalıq shınıǵıwları ótkerildi.
Áskeriy bólimler hám mákemeler asxanaların sapalı azıq-awqat ónimleri menen támiyinlew boyınsha engizilgen autsorsing sistemasınıń joqarı nátiyje menen islep atırǵanı atap ótilди. Házirgi waqıtta sektordaǵı áskeriy bólimlerde arnawlı tańlap alınǵan 17 isbilermenlik subyektiniń 500 den artıq xızmetkeri autsorsing xızmetlerin kórsetpekte.
Bunnan tısqarı, «Jol kartası»nda áskeriy xızmetkerlerge jeńillikli shártlerde beriletuǵın zamanagóy turǵın jaylar qurılısına da ayrıqsha itibar qaratılǵan. Tashkent wálayatında taraw xızmetkerleri ushın qurılıp atırǵan 416 pátерge mólsherlengen 16 kóp qabatlı úydiń qurılıs múddetleri, sapası hám bar bolǵan mashqalaları boyınsha komitet aǵzaları menen sektor juwapkerleri arasında soraw-juwap bolıp ótti. Atap aytqanda, Chirchiq qalasınıń ózinde 252 pátерge mólsherlengen 7 bes qabatlı zamanagóy turǵın jaydıń qurılısı juwmaqlanıp atırǵanı haqqında maǵlıwmat berildi. Wálayat qorǵanıw isleri basqarmasınıń administrativ imaratı tolıq ońlanǵan. Joqarı Chirchiq rayonı qorǵanıw isleri bóliminiń imaratı jańadan qurılǵan. Bul jumıslarǵa 2,3 milliard sum jumsalǵan.
Bir qatar áskeriy bólimlerdi abadanlastırıw, jol qurılısı hám sport kompleksin kapital ońlaw jumısları ushın 10,5 milliard sum qarjı ajıratılǵan bolıp, házirgi waqıtta qurılıs jumısları juwmaqlanbaqta.
Ilajda, sonday-aq, Ekinshi jáhán urısı qatnasıwshılarına kórsetilip atırǵan itibar, xızmet wazıypasın atqarıw waqtında qaytıs bolǵan áskeriy xızmetkerlerdiń shańaraqlarınan úzliksiz xabar alıp turıw, olardı materiallıq hám ruwxıy jaqtan qollap-quwatlaw, taraw xızmetkerleriniń óz waqtında shańaraǵı menen birge dem alıwın shólkemlestiriw, áskeriy-sport jarısların izbe-iz ótkeriw hám áskeriy xızmetkerlerdiń bos waqtın mazmunlı shólkemlestiriw boyınsha ámelge asırılǵan jumıslar hár tárepleme tallandı.
Qatnasıwshılar tárepinen tarawdaǵı mashqalalar hám olardı sheshiw jolları boyınsha pikirler, ámeliy usınıslar bildirildi. Ashıq hám konstruktiv ruwxta ótken ilaj juwmaǵında komitettiń tiyisli qararı qabıl etildi.