- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 11
- Prezident Bektemir rayonı aktivleri menen ushırasıw ótkerdi. 11
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
Ózbekstan Respublikası Prezidenti Shavkat Mirziyoev 27-yanvar kúni densawlıqtı saqlaw hám ilim tarawların rawajlandırıw máseleleri boyınsha májilis ótkerdi.
Sońǵı jıllarda birlemshi, tez hám qánigelestirilgen medicinalıq járdem tarawlarında áhmiyetli reformalar ámelge asırıldı. Mámleket basshısınıń 2018-jıl 7-dekabrdegi Pármanı menen Ózbekstan Respublikası densawlıqtı saqlaw sistemasın 2019–2025-jıllarda rawajlandırıw koncepciyası tastıyıqlandı.
Keńeslede keselliklerdiń aldın alıw maqsetinde vrachlıq punktleri hám shańaraq poliklinikalarınıń xızmetkerleri xalıq úylerin birme-bir aralap shıǵıwı, xalıqtı patronaj menen qamtıwı, sonday-aq aymaqlıq emlewxanalar menen maǵlıwmat almasıw sistemasın jolǵa qoyıwı zárúr ekenligi atap ótilді. Bunda medicinalıq mádeniyattı arttırıw, dene tárbiyası hám sporttı keńnen nasiyatlawǵa ayrıqsha itibar qaratıw kerekligi aytıldı.
Medicinalıq sistemanı aldıńǵı shet el standartları tiykarında shólkemlestiriw, xalıqtıń densawlıqtı saqlaw xızmetlerinen paydalanıw múmkinshiliklerin jáne de keńeytiw ilajları dodalandı.
16 qánigelestirilgen medicinalıq oraydıń jumısı da kórip shıǵıldı. Olardıń keselleniw kórsetkishlerin talqılaw tiykarında keselliklerdiń aldın alıwı, aymaqlarda jumısın jolǵa qoyıwı hám birlemshi medicinalıq járdem mákemeleri menen tıǵız birge islesiwi zárúr ekenligi atap ótilди. Usı oraylardı jáne de rawajlandırıw ushın jeke hám shet el investiciyaların tartıwdıń áhmiyeti aytıldı.
Analıq hám balalıqtı qorǵaw jumısların jaqsılaw, bala tuwıw jasındaǵı hayallardı medicinalıq kórikten ótkeriw hám salamatlastırıw boyınsha anıq reja islep shıǵıw tapsırıldı.
Tashkent qalasındaǵı tez medicinalıq járdem xızmetine shaqırıwlardı avtomatik qabıl etiw hám olarǵa tez juwap beriw sistemasın engiziw jolǵa qoyıldı. Xızmet 150 arnawlı «Ford» avtomobili menen támiyinlendi.
Mámleket basshısı bul sistemanı 2020–2021-jıllarda respublikanıń barlıq aymaqlarında basqıshpa-basqısh engiziw, shoshılıs hám tez medicinalıq járdem kórsetiw sapasın jaqsılaw zárúrligin atap ótti.

Medicinalıq mákemelerdi ońlaw, olardıń materiallıq-texnikalıq bazasın bekkemlew máselelerine ayrıqsha itibar qaratıldı. Aǵımdagı jılda Investiciya dástúri sheńberinde medicinalıq mákemelerdi úskeneler menen támiyinlew ushın xalıqaralıq finans institutlarınıń qarjıların tartıw zárúrligi atap ótilди.
Keńeslede tarawdaǵı kadrlar siyasatı sınǵa alınıp, qánigeler jetispewshiligi, olardıń bilimi hám kásiplik salohiyatınıń tómenligi sıyaqlı máselelerge itibar qaratıldı. Házirgi waqıtta densawlıqtı saqlaw sistemasında 75 mıń shıpaker jumıs isleydi. Tarawda derlik 3 mıń ulıwma ámeliyat shıpakeri hám 10 mıń tar qánigelik boyınsha qánige jetispeydi. Ilimiy izertlewler nátiyjelerin ámeliyatqa engiziw kórsetkishi bolsa 5 procentke de jetpeydi.
Prezident mámleketlik buyırtpa tiykarında qánigelerdi anıq talaplardan kelip shıǵıp tayarlaw, rayon, awıl hám jumıs ornı kórsetilgen maqsetli kvotalardı qáliplestiriw zárúrligin atap ótti.
Medicinalıq ilimdi rawajlandırıw, ilimiy izertlewlerdiń ústinlikli baǵdarların qayta kórip shıǵıw boyınsha wazıypalar belgilendi.
Belgili bolǵanınday, elimizde 2020-jıl Ilim-maǵrifat hám cifrlı ekonomikanı rawajlandırıw jılı dep járiyalandı. Prezident Shavkat Mirziyoyev Oliy Majlisge Múrájáatnamasında hár jılı ilimniń birneshe áhmiyetli baǵdarların rawajlandırıw zárúrligin atap ótken edi.
Ásirese, usı jılı matematika, ximiya hám biologiya, geologiya sıyaqlı tarawlarda fundamentallıq hám ámeliy izertlewlerdi jandandırıw boyınsha ilajlar kóriledi, alımlar ushın barlıq zárúr sharayatlar jaratıladı. Sonday-aq fundamentallıq hám innovaciyalıq izertlewler ushın maqsetli grantlar ajıratıw mexanizmi túpten qayta kórip shıǵıladı.
Keńeslede juwapker shaxslarga bul jumıslardı sistemalı túrde shólkemlestiriw, reformalar menen mektep táliminen baslap ilimiy-izertlew mákemelerine shekemgi barlıq basqıshlardı qamtıw boyınsha tiyisli tapsırmalar berildi.
Mámleketimiz basshısı ilimniń bul tarawların hám materiallıq, hám ruwxıy jaqtan qollap-quwatlaw zárúrligin ayrıqsha atap ótti.
Májiliste dodalanǵan máseleler boyınsha juwapkerler málimleme berdi.