- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Prezident Bektemir rayonı aktivleri menen ushırasıw ótkerdi. 11
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 11
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
Korrupciyaǵa qarsı gúresiw hám jámiyetlik qadaǵalaw sistemasın jetilistiriw máseleleri boyınsha májilis ótkerildi Ózbekstan Respublikası Prezidenti Shavkat Mirziyoev 11-fevral kúni korrupciyaǵa qarsı gúresiw hám jámiyetlik qadaǵalaw sistemasın jetilistiriw máseleleri boyınsha májilis ótkerdi.

Korrupciya — ekonomikanı rawajlandırıw, isbilermenlik ushın haqıyqıy qolaylı ortalıq hám investiciyalıq klimat jaratıw jolındaǵı tiykarǵı tosıqlardıń biri. Ayırım bahalawlarǵa qaraǵanda, korrupciya sebepli jáhán ekonomikasına keltiriletuǵın zıyan jılına ortasha 2,6 trillion dollarды quraydı.
Bul mashqala elimizdi de shetlep ótpegen. Transparency International xalıqaralıq shólkemi dúzetuǵın indeks boyınsha Ózbekstan sońǵı úsh jıl ishinde óz ornın 12 basqıshqa jaqsıladı. Biraq bul jaǵımsız qubılıstı pútkilley saplastırıwǵa ele uzaq.
Watanlaslarımızdıń pikirinshe, korrupciya medicina, bilimlendiriw, bank, bajıxana, sud sistemalarında, prokuratura hám ishki isler organlarında, kommunal xızmet kórsetiw tarawında, sonday-aq puqaralardı jumısqa qabıl etiw procesinde keń tarqalǵan.
Mısalı, densawlıqtı saqlaw sistemasında qarjılardıń 25–30 procenti nátiyjesiz jumsaladı. Kóplegen tarawlarda mámleketlik satıp alıwlar ashıq bolmaǵan túrde ámelge asırılmaqta.
Mámleketimiz basshısı parlamentke jaqında jollanǵan Múrájatnamasında korrupciya aqıbetlerin saplastırıwdan onıń aldın alıwǵa ótiw zárúrligin atap ótip, korrupciyaǵa qarsı gúresiwge juwapker bolǵan bólek organ dúziwdi usınǵan edi.
Jıyında usı jańa dúzilmeni shólkemlestiriw máseleleri talqılandı.
Korrupciya dárejesi joqarı bolǵan tarawlarda korrupciyaǵa qarsı gúresiw baǵdarlamaların islep shıǵıw hám ámelge asırıw boyınsha kórsetpeler berildi.
Korrupciyaǵa qarsı gúresiwdegi tiykarǵı faktorlerden biri — mámleketlik organlar jumısı hám is procesleriniń ashıq-aydınlıǵı. Jıyında jumısqa qabıl etiw, mámleketlik satıp alıwlar, ruqsatnamalar, licenziyalar beriw hám basqa proceslerde ashıqlıq hám ashıq-aydınlıqtı támiyinlewge ayrıqsha itibar qaratıw zárúrligi atap ótilди.
Ádillik ministrligi hám Bas prokuraturaǵa Birlesken Milletler Shólkeminiń Rawajlanıw baǵdarlaması menen birgelikte ministrlikler, kompaniyalar hám hákimliklerde ishki korrupciyaǵa qarsı ilajlardı islep shıǵıw hám ámelge asırıwdı názerde tutatuǵın komplayens-qadaǵalaw sistemasın engiziw tapsırıldı.
Shet el ekspertlerin tartqan halda mámleket xızmetkerleriniń mal-múlki hám dáramatların deklaraciyalawdıń barlıq shólkemlik-huqıqıy tiykarların islep shıǵıw hám engiziw zárúrligi atap ótilди.
Juwapker shaxslarga shet el tájiriybesi tiykarında korrupciyaǵa qarsı gúresiw dúzilmesin shólkemlestiriw boyınsha zárúr hújjetlerdi islep shıǵıw tapsırıldı. Bul dúzilme tek ǵana usı tarawdaǵı mámleketlik siyasattı ámelge asırıwı hám muwapıqlastırıwı emes, al korrupciyaǵa qarsı gúresiw ushın barlıq zárúr kúshlerge hám qurallarǵa da iye bolıwı kerek ekenligi atap ótilди.
Bul jamanlıqtı saplastırıwdıń áhmiyetli qurallarınıń biri — jámiyetshilik qadaǵalawı.
Búgingi kúnde elimizde 10 mıńnan artıq mámleketlik emes, kommerciyalıq emes shólkem xızmet kórsetpekte. Biraq olardıń roli hám belsendiligi ele de joqarı bolıwı múmkin edi. Olardıń máplerin bildiretuǵın, usı shólkemler menen mámleket arasında kópir wazıypasın atqaratuǵın bir pútin sistema joq.
Jámiyetshilik penen óz ara birge islesiwdiń házirgi sisteması xalqımızdı jergilikli jerlerde hám túrli tarawlarda tolǵandırıp atırǵan máselelerdi orayǵa jetkeriwge qábiletli emes, salmaqlı nátiyjelerge erisiwge múmkinshilik bermeydi. Kóplegen mámleketlik emes, kommerciyalıq emes shólkemler «tek ǵana formal túrde» xızmet alıp barmaqta.
«Máhálle», «Nuraniy», Hayal-qızlar komiteti sıyaqlı iri birlespelerdiń puqaralar ushın qanday paydası bar, olar qanday ótkir máselelerdi kóterip, sheshiwge eristi? Ókiniшке qaray, bul sorawlarǵa qanaatlandırarlı juwap joq.
Usıǵan baylanıslı Prezident Oliy Мәjlisке jollanǵan Múrájatnamasında jámiyetshilik qadaǵalawın kúsheytiw, mámleket penen jámiyet arasındaǵı birge islesiwdi jáne de bekkemlew maqsetinde Jámiyetlik palata dúziwdi usındı.
Jıyında palatanıń tiykarǵı wazıypaları hám xızmetin shólkemlestiriw máseleleri talqılandı.
Atap ótilgenindey, Jámiyetlik palata xalıqtıń pikirin turaqlı úyrenip barıwı, mámleketlik mekemeler aldına olardı sheshiw boyınsha anıq wazıypalar qoyıwı kerek. Jámiyetlik tıńlawlar, jámiyetlik monitoring, jámiyetlik ekspertiza hám jámiyetlik baslama sıyaqlı nátiyjeli jámiyetshilik qadaǵalawı túrlerin engiziw áhmiyetli ekenligi atap ótilди.
Jańa palata xızmetiniń áhmiyetli baǵdarları qatarına mámleketlik emes, kommerciyalıq emes shólkemlerdiń hám mámleketlik organlar qasındaǵı jámiyetlik keńeslerdiń xızmetin belsendilestiriw, olarǵa hár tárepleme metodikalıq járdem kórsetiw de kiredi.
Belgilengen wazıypalardı esapqa alǵan halda Jámiyetlik palatanıń shólkemlik-huqıqıy tiykarların jaratıw, 2020–2021-jıllarda puqaralıq jámiyet institutların rawajlandırıw boyınsha ilajlar baǵdarlamasın islep shıǵıw haqqında tapsırmalar berildi.
Sonday-aq, Oliy Мәjlis janındaǵı Mámleketlik emes, kommerciyalıq emes shólkemlerdi hám puqaralıq jámiyettiń basqa institutların qollap-quwatlaw jámiyetlik fondı xızmetin jetilistiriw, mámleketlik emes, kommerciyalıq emes shólkemlerge jámiyet turmısındaǵı mashqalalardı úyreniw hám olardı nátiyjeli sheshiw boyınsha usınıslar islep shıǵıw ushın grantlar ajıratıw máseleleri de kóterildi.
Jıyında talqılanǵan máseleler boyınsha tiyisli ilajlar belgilendi.