- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 11
- Jasırın ekonomikanı qısqartıw hám korrupciyanıń aldın alıw máseleleri dodalandı 10
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 10
Ózbekstan Respublikası Prezidenti Shavkat Mirziyoyev 2-mart kúni xalıq bilimlendiriw sistemasındaǵı baslı wazıypalardı dodalawǵa baǵıshlanǵan jıyın ótkerdi.
Prezident mámleket basshısı lawazımındaǵı xızmetin baslaǵan dáslepki kúnlerden-aq elimizdegi kadrlar mashqalasın hám reformalardıń belgilengen qádemine sáykes keletuǵın zamanagóy qánigelerge derlik barlıq tarawlarda zárúrlik bar ekenligin birneshe márte atap ótti.
Usı maqsette bilimlendiriw sistemasınıń pútkil dúzilisi túpten jetilistirilmekte. Mektepke shekemgi bilimlendiriw rawajlandırılmaqta. Xalıqaralıq tájiriybe hám zamanagóy talaplardı esapqa alǵan halda ulıwma orta bilimlendiriw sapası arttırılmaqta.
Sońǵı úsh jıl ishinde elde 160 tan aslam ulıwma bilim beretuǵın mektep qurıldı. Prezident mektepleri, ullı ata-babalarımız — alımlar atı menen atalǵan qánigelestirilgen mektepler, dóretiwshilik mektepleri hám «Temurbekler mektebi» sıyaqlı innovaciyalıq bilimlendiriw mákemeleri shólkemlestirildi.
Bunıń menen birge, sońǵı úsh jıl dawamında muǵallimlerdiń aylıq miynet haqı ortasha 2,5 ese arttırıldı. Alıs aymaqlarda isleytuǵın pedagoglar ushın qosımsha ústemeler engizildi.
2019-jıl 26-noyabr kúni Ózbekstan Respublikası Prezidenti «Zamanagóy mektepler»di shólkemlestiriw ilajları haqqında»ǵı qararǵa qol qoydı. Hújjetте 2021-jılǵa shekem ulıwma bilim beretuǵın mákemelerdiń keminde 3 procentin, 2025-jılǵa shekem 20 procentin, 2030-jılǵa shekem bolsa 50 procentin «Zamanagóy mektepler»ge aylandırıwdıń tiykarǵı parametrleri belgilendi.
Bularдың барлығы tarawды orta hám uzaq múddetli keleshek ushın reformalawdıń birinshi basqıshı boldı.
Prezident usı jıldıń yanvar ayında Oliy Majlisке joldaǵan Múrájaatnamasında mektep oqıw baǵdarlamaların aldıńǵı shet el tájiriybesi tiykarında jetilistiriw, oqıw júklemesi hám úyreniletuǵın pánlerdi qayta kórip shıǵıw, olardı xalıqaralıq standartlarǵa sáykeslestiriw, sabaqlıqlar hám oqıw ádebiyatlarınıń sapasın arttırıw zárúrligin atap ótti. Mámleket basshısı mekteplerdiń materiallıq-texnikalıq támiyinleniwín jaqsılaw, oqıw-tárbiya procesinde zamanagóy pedagogikalıq texnologiyalardı qollanıw wazıypasın qoydı.
Búgingi jıyında jańa túrdegi mekteplerdi qurıw, házirgi mekteplerdi basqıshpa-basqısh modernizaciyalaw hám muǵallimlerdiń kásiplik sheberligin arttırıw máseleleri dodalandı.
Házirgi waqıtta 9 942 mekteptiń 2 835-i remontqa mútáj, 5 861 mektepte bolsa artıqsha júkleme sebepli oqıw eki smenada alıp barılmaqta. Usı jılı 36 jańa mektep qurıw hám 211 mektepti kapital remontlaw rejelestirilgen.
Qurılıs ministrligine mekteplerdi zamanagóy arxitekturalıq jetiskenlikler tiykarında, aldınǵı energiyanı únemlew texnologiyaların qollanǵan halda qurıwdı támiyinlew tapsırıldı.
Laboratoriyalarda ótkeriletuǵın ámeliy shınıǵıwlar sapalı bilim alıwda áhmiyetli orın tutadı.
Biraq búgingi kúnde 683 fizika, 897 ximiya hám 901 biologiya klassı oqıw-laboratoriyalıq úskeneler menen támiyinlenbegen. 7 807 fizika, 7 776 ximiya hám 7 770 biologiya klassınıń úskeneleri eskirgen. 62 mıń klass zamanagóy úskeneler menen támiyinlenbеген, 7 mıń kompyuter jetispeydi.
Usıǵan baylanıslı mektep laboratoriyaların jańa texnika menen úskenelendirip, olarda ótkeriletuǵın shınıǵıwlar sanın kóbeytiw talap etiledi.
Usıǵan sáykes, Xalıq bilimlendiriw ministrligi hám Finans ministrligine mekteplerdiń úskeneler menen támiyinlengenlik jaǵdayın sın kóz benen úyreniw, sonday-aq olardı zamanagóy laboratoriyalıq hám kompyuter texnikası, sport úskeneleri hám basqa zárúr qurallar menen támiyinlew tapsırıldı.
Anıq pánlerdi oqıtıwda ámeliy kónlikpелерdi rawajlandırıw hám interaktiv shınıǵıwlarǵa itibarды kúsheytiw zárúrligi atap ótilди.
Mekteplerde matematika, ximiya, fizika hám biologiya pánleri boyınsha ámeliy shınıǵıwlarǵa oqıw waqtınıń tek 10 procenti ajıratıladı. Rawajlanǵan mámлекетlerde bul kórsetkish 30–50 procentti quraydı.
Usıǵan baylanıslı Xalıq bilimlendiriw ministrligi hám Informaciyalıq texnologiyalar hám kommunikaciyalardı rawajlandırıw ministrligi aldına cifrlı texnologiyalardan keń paydalanıw, anıq pánler boyınsha oqıw baǵdarlamalarında ámeliy shınıǵıwlardıń úlesin arttırıw wazıypası qoyıldı.
Jıyında pedagog kadrlardıń bilimin hám kásiplik sheberligin arttırıw máselelerine de ayrıqsha itibar qaratıldı.
Ótken jılı ótkerilgen attestaciyalaw waqtında derlik 57 mıń muǵallim hám tálim-tárbiya beriwshi qatnasqanı, attestaciyadan ótiwshilerdiń 43 procenti tómen baha alǵanı, al respublika boyınsha ortasha kórsetkish 100 ballıq sistema boyınsha 64 ball bolǵanı atap ótilди.
Pedagoglardıń kásiplik sheberligin arttırıw sistemasın jetilistiriw, metodikalıq támiyinleniwdi jańalaw boyınsha tapsırmalar berildi.
Balalardı ruwxıy hám fizikalıq jaqtan jetilisken shaxslar etip tárbiyalaw maqsetinde mekteplerdi kórkem ádebiyatlar menen támiyinlew, baslawısh klasslarda muzıka, súwretlew óneri hám dene tárbiyası sabaqlarına jańa mazmun beriwdiń áhmiyeti atap ótilди.
Juwapker shaxslar jıyında dodalanǵan máseleler boyınsha maǵlıwmat usındı.