Jasırın ekonomikanı qısqartıw hám korrupciyanıń aldın alıw máseleleri dodalandı

Ózbekstan Respublikası Prezidenti Shavkat Mirziyoev 27-iyul kúni jasırın ekonomikanı qısqartıw boyınsha ámelge asırılıp atırǵan jumıslardı dodalawǵa baǵıshlanǵan májilis ótkerdi.

Kóleńkeli ekonomikanı qısqartıw hám korrupsiyanıń aldın alıw máseleleri talqılandı

Mámleketimizde kóleńkeli ekonomikanıń dárejesi joqarı. Sonıń ushın sońǵı jıllarda biznes júrgiziwdi jeńillestiriw arqalı kóleńkeli ekonomikanıń úlesin qısqartıw boyınsha ilajlar qabıl etildi. Atap aytqanda, valyuta bazarı liberallastırıldı, jańa salıq sisteması engizildi, 100 ge jaqın ruqsat beriw hám licenziyalaw tártipleri qısqartıldı. Nátiyjede, sońǵı 5 jıl ishinde sanaattaǵı rásmiy emes sektor úlesi 20 procentten 6 procentke tómenledi.

Jıyında bul baǵdarda ámelge asırılıp atırǵan jumıslar talqılanıp, aldaǵı wazıypalar belgilep alındı. Xalıqaralıq shólkemler ekspertlerin tartqan halda kóleńkeli ekonomikanı qısqartıw strategiyasın islep shıǵıw tapsırıldı.

Mámleket basshısı kóleńkeli ekonomikaǵa qarsı gúresiwde ekonomikalıq belsendilikke zıyan jetkizbew ushın abaylı bolıw, bul baǵdarda biznes hám jámiyetshilik penen birgelikte islew áhmiyetli ekenin atap ótti.

Salıq reformaların izbe-iz dawam ettiriw hám kóleńkeli xızmetke jol qoymaytuǵın sistemanı engiziw wazıypası qoyıldı.

«Adal salıq tólewshi» sistemasın islep shıǵıw hám jıl aqırına shekem onı Tashkent qalasında tolıq sınawdan ótkeriw boyınsha kórsetpe berildi.

Mámleketlik satıp alıwlar hám investiciyalıq joybarlar tarawların korrupsiyadan tazalawǵa ayrıqsha itibar qaratıldı. Bul tarawlarda ashıqlıqtı támiyinlew, jámiyetshilik baqlawın hám básekeleslikti kúsheytiw maqsetinde Finans ministrligine Mámleketlik satıp alıwlar informaciyalıq portalın iske túsiriw tapsırıldı.

Endilikte hár bir joybar korrupciyaǵa qarsı ekspertizadan ótkeriletuǵın boldı. 2021-jıldan baslap bul tártipti oraylastırılǵan qarjılar esabınan ámelge asırılatuǵın barlıq joybarlarǵa qoll

anıw wazıypası qoyıldı.

Mámleketlik organlarda da kóleńkeli ekonomika hám korrupciyaǵa qarsı komplayens-baqlaw sisteması engizilmekte. Bul jumıslar, atap aytqanda, Qurılıs, Densawlıqtı saqlaw, Joqarı hám orta arnawlı bilimlendiriw ministrliklerinde, «Ózbekneftgaz» hám «Ózkimyosanaat» akcionerlik jámiyetlerinde baslandı. Jıl aqırına shekem bul sistemanı mámleket úlesi bar jáne 14 shólkem hám 10 bankte engiziw zárúrligi atap ótilди.

Korrupciyaǵa qarsı gúresiw boyınsha tarawlar hám baǵdarlar kesiminde «jol kartaların» islep shıǵıw, mámleketlik satıp alıwlar hám investiciyalıq joybarlarda korrupciyanıń aldın alıw boyınsha tapsırmalar berildi.

Mámleketlik organlar, kárxanalar hám aymaqlar ushın korrupciya hám kóleńkeli ekonomika reytingin esaplaw metodikasın islep shıǵıw tapsırıldı. 2021-jıldan baslap bul reyting nátiyjelerin barlıq basshılardıń jeke juwapkershiligin bahalaw menen birge járiyalap barıw jolǵa qoyıladı.

Keden hám salıq sistemasına tiyisli máseleler de kórip shıǵıldı.

Keden sistemasında insan faktorın joq etiw, kontrabanda jaǵdayları hám tovarlardıń keden bahasın jasalma túrde tómenletiwge qarsı keden baqlawın kúsheytiw zárúrligi kórsetip ótilди.

Mámleketlik keden komiteti hám Mámleketlik salıq komitetine import tovarların alıp keliw, keden rásmiylestiriwinen ótkeriw hám satıw boyınsha birden-bir maǵlıwmatlar bazasın jaratıw tapsırıldı. 2021-jıl 1-yanvardan baslap «Keden auditi» informaciyalıq sistemasın engiziw wazıypası qoyıldı.

Prezident kóleńkeli ekonomikanı qısqartıw ushın adamlardıń nızamlı islewine járdem beriw hám olardı bunıń ushın mápdar etiw zárúr ekenin atap ótti.

Mısalı, ózin-ózi bánt etiw sistemasınıń ápiwayılastırılıwı nátiyjesinde tek ǵana iyul ayında 184 mıń puqara rásmiy sektorda miynet etiwdi basladı.

Biraq qurılıs, sawda hám jámiyetlik awqatlandırıw, transport hám basqa xızmet kórsetiw tarawlarında rásmiy emes bántlik dárejesi ele de joqarı bolıp qalmaqta. Ulıwma alǵanda, ekonomika tarawlarında bánt bolǵan 13,5 million adamnıń tek 4,9 millionı dáramat salıǵın tóleydi.

Jıyında bul tarawlarda anıq maqsetli jumıs alıp barıw, xoshametlew mexanizmlerin qollanıw arqalı rásmiy emes túrde xızmet kórsetip atırǵan subyektlerdi kóleńkeli ekonomikadan shıǵarıw zárúrligi atap ótilди. Sawda, jámiyetlik awqatlandırıw, transport hám turmıslıq xızmet kórsetiw tarawlarında iskerlik júrgizetuǵın subyektler ushın aylanıstan alınatuǵın salıqtı esaplawda plastik kartalar hám basqa da kontaktsız tólem túrleri arqalı ámelge asırılǵan tólemlerdi salıq salınatuǵın bazaǵa kirgizbew usınıs etildi.

Mámleket basshısı kishi biznes subyektleri ushın salıq administraciyasın ápiwayılastırıw, iskerlik ushın ruqsat beriw hám licenziyalaw tártiplerin jáne de qısqartıw zárúrligin atap ótti.

Mısalı, 100 túrdegi licenziya hám 34 túrdegi ruqsattı xabardar etiw tártipine ótkiziw arqalı qısqartıw, bir qatar tártiplerdi ápiwayılastırıw, 14 túrdegi hújjetti beriw múddetin eki ese qısqartıw múmkin. Bul ilajlar nátiyjesinde isbilermenler jılına 125 milliard sum qarjını únemlewi múmkin.

Bunnan tısqarı, 43 mákemenıń 270 baqlaw funkciyasın sın kóz benen úyreniw hám olardıń kóleńkeli ekonomika hám korrupciya qáwiplerin keltirip shıǵaratuǵın wákilliklerin qısqartıw boyınsha kórsetpe berildi.

Sonıń menen birge, korrupciyalıq hám kóleńkeli sxemalarǵa tartılǵan insapsız isbilermenlerdiń juwapkershiligin kúsheytiw zárúrligi atap ótilди.

Kóleńkeli ekonomikanı tarawlar hám baǵdarlar boyınsha talqılaw dárejesiniń tómen ekenligi qayd etildi. Usıǵan baylanıslı xalıqaralıq ekspertlerdi tartqan halda hár bir wálayat boyınsha kóleńkeli ekonomika statistikasın júrgiziw zárúrligi kórsetip ótilди.

Korrupciya hám kóleńkeli ekonomikaǵa qarsı gúresiwdegi tiykarǵı kúsh — biznes hám jámiyetshilik. Sonıń ushın jámiyette bul unamsız qubılıslarǵa qarsı kelispewshilik qatnasın qáliplestiriw, olardıń aqıbetlerin bunnan bılay daǵıǵıday ǵana emes, alǵa basıp, jámiyetlik xabar quralları hám sociallıq tarmaqlar arqalı keńnen jarıtıp barıw áhmiyetli.

— Kóleńkeli ekonomikaǵa qarsı gúresiw isbilermenlerdi jazalaw yamasa olardıń iskerligine tosıq qoyıw degeni emes. Bul, ásirese, pandemiya dáwirinde áhmiyetli. Turmıslıq korrupciyaǵa qarsı da qatań ilajlar kóriw, jergilikli orınlarda jámiyetshilik baqlawın kúsheytiw zárúr, — dedi Shavkat Mirziyoyev.

Hár bir ministrlik hám tarmaq aldına jıyında belgilengen ilajlardı ámelge asırıw sheńberinde jıl aqırına shekem anıq nátiyjelilik kórsetkishlerine (KPI) erisiw wazıypası qoyıldı.

| 10 27.07.2020



×
Portal kartası