- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 11
- Jasırın ekonomikanı qısqartıw hám korrupciyanıń aldın alıw máseleleri dodalandı 10
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 10
Ózbekstan Respublikası Prezidenti Shavkat Mirziyoevtiń basshılıǵında 26-mart kúni koronavirus infekciyasınıń tarqalıwına qarsı gúresiwdi kúsheytiw máseleleri boyınsha videoselektor májilisi ótkerildi.
Jıyın basında mámleket basshısı jáne bir márte xalıqqa múrájat etti.
– Búgin pútkil dúnya, pútkil insanıyat qıyın dáwirlerdi basınan ótkerip atır. Koronavirus infekciyası 190 nan artıq mámleketke tarqalip, pandemiyaǵa aylandı. Kesellikke shalınǵanlar sanı 450 mıń adamnan, qaytıs bolǵanlar sanı bolsa 21 mıń adamnan astı.
Ókiniшke qaray, bul kesellik elimizdi de shetlep ótпedi. Házirgi waqıtqa shekem elimizde virus juqtırǵanlar sanı 65 adamdı quraydı.
Usıǵan baylanıslı Premyer-ministr basshılıǵında Respublikalıq komissiya dúzildi, Kriziske qarsı qor shólkemlestirildi.
Pandemiyaga qarsı gúresiw hám onıń aqıbetlerin jumsartıw ushın qorǵa 10 trillion sum baǵdarlanaды.
Pútkil mámleket kóleminde infekciyanıń tarqalıwınıń aldın alıw boyınsha nátiyjeli ilajlar kórilmekte. Atap aytqanda, kesellik anıqlanǵan dáslepki kúnlerden baslap barlıq bilimlendiriw hám diniy mákemelerdiń jumısı, sonday-aq, xalıqaralıq hám ishki jámiyetlik transport háreketi toqtatıldı.
Adamlar kóp jıynalatuǵın orınlar, atap aytqanda, kiyim-kenshek bazarları hám jámiyetlik awqatlanıw orınları waqıtsha jabıldı.
Múlkshilik túrine qaramastan, barlıq kárxana hám shólkemler xızmetkerlerine dem alıs berilmekte, olar aralıqtan islew rejimine ótkerilmekte.
Mámleketimizdegi barlıq medicinalıq mákemeler kúsheytirilgen jumıs rejimine ótkerildi, 11 medicinalıq mákeme, 97 sanatoriy, lager hám jatақxana karantin sharayatında islewge beyimlestirildi.
Viruslıq infekciyanıń tarqalıwınıń aldın alıw hám profilaktika maqsetinde 80 mıńǵa jaqın adam úy sharayatında, 12 mıń puqara bolsa stacionar sharayatında karantinde saqlanbaqta.
Pandemiyaga qarsı gúresiwge 100 mıńǵa jaqın medicinalıq xızmetker jumsaldı. Olarǵa hákimlikler, ishki isler organları, Qorǵanıw hám Ayрықsha jaǵdaylar ministrlikleri, Milliy gvardiya jaqınnan járdem kórsetpekte.
Sonday-aq, puqaralarımızdı shet elden qaytarıw boyınsha sistemalı jumıs alıp barılmaqta. Dáslep Qıtaydan evakuaciya ámelge asırıldı, basqa mámleketlerden puqaralarımızdı alıp keliw boyınsha jumıslar dawam etpekte.
Shet eldegi barlıq diplomatiyalıq wákilliklerimizde shtablar shólkemlestirildi. Sońǵı 10 kún ishinde 20 charter reysi ámelge asırıldı. Rossiya, Túrkiya, Iran, Birlesken Arab Ámirlikleri, Ońtústik Koreya, Misir, Malayziya, Hindistan, Tailand, Indoneziya hám Germaniyadan 4 mıńǵa jaqın puqaramız qaytarıldı. Qániǵles mámleketlerden bolsa 80 mıńnan artıq watandasımız qaytıp keldi hám olar profilaktoriylerge, sanatoriylerge, basqa medicinalıq mákemelerge karantinge jaylastırıldı.
Bunnan tısqarı, diplomatiyalıq wákillikler Rossiya, Qıtay, Singapurdan ekspress-testler, medicinalıq úskeneler hám gumanitarlıq júklerdi, sonday-aq, jetekshi mámleketlerden aldınǵı hám tájiriybeli qánigelerdi tartıw ústinde jumıs alıp barmaqta.
Bunı anıq túsiniw kerek: kesellengenler sanı elimizde 100 adamǵa da jetpeydi dep ózimizdi júbatıp, biyparwalıqqa beriliw satqınlıq penen teń.
Koronavirus maǵan juqpaydı dep oylaytuǵınlar ózlerin de, ata-anaların, balaların hám átirapındaǵı adamlardı da úlken qáwip astına qoyıp atırǵanın, olardıń ómiri hám densawlıǵına qáwip tuwdırıp atırǵanın tereń ańlap jetiwi kerek.
Mámleket tárepinen kórilip atırǵan ilajlar keselliktiń juǵıw itimallıǵın hár tárepleme kemeytiwge hám viruslıq infekciyanıń tarqalıwın tejiwge qaratılǵan.
Medicina qanshelli rawajlanǵan bolmasın, mámleket qansha qarjı ajıratpasın, eger adamlar shıpakerlerdiń usınıslarına ámel etpese, karantin qaǵıydalarına boysınbasa, barlıq ilajlarımız, pandemiyaga qarsı gúresip atırǵan júz mıńlaǵan pidayı puqaralarımızdıń miyneti biykarǵa ketedi.
Ayrim aymaqlardıń basshıları ele puqaralarǵa bir márte de múrájat etpedi hám xalıq arasında júzege kelgen jaǵdaydı túsindiriw boyınsha ilajlar kórmey atır. Jergilikli telekanallarda, gazetalar hám jurnallarda tiyisli jumıslar jeterli dárejede shólkemlestirilmegen.
Wálayatlar, rayonlar hám qalalar, 4 sektor basshılarına epidemiologiyalıq jaǵday ushın jeke juwapkershiligi bar ekenin qatań eskertemen. Sizler koronavirus infekciyasınıń tarqalıwına jol qoymaw, karantin rejimin buzıwdıń barlıq unamsız aqıbetlerin xalıq arasında túsindiriw boyınsha kúndiz-túni islewińiz kerek.
Puqаralar jıyınlarınıń jumısına baylanıslı mende kóp narazılıqlar bar. Jergilikli orınlarda máhálle belsendileriniń roli sezilmeydi. Máhálle baslıqlarınıń kóz aldında ayrım adamlar kóp adam qatnasatuǵın salтанatlı máresimler hám ilajlar ótkeriwdi dawam ettirmekte.
Mısalı, Ferǵana wálayatınıń Yozyovon rayonındaǵı «Beruniy» máhállesinde jasaytuǵın bir hayal umra saparınan qaytıp, úy karantini talapların qoǵal túrde buzǵan halda, ertesi kúni 120 adamdı shaqırıp, salтанatlı ilaj ótkerген. Nátiyjede, infekciya onıń ózinen tısqarı shańaraǵınıń 4 aǵzasında da anıqlandı. Jáne qansha adamǵa juqqanı házirше belgisiz.
Sonıń ushın parlament tárepinen qabıl etilgen karantin qaǵıydaların buzǵanlıq ushın juwapkershilikti kúsheytiw haqqındaǵı nızamǵa qol qoydım. Oǵan muwapıq, karantin sharayatında átirapındaǵı adamlardıń densawlıǵı hám ómirin qáwip astına qoyǵan shaxslar endilikte 10 jılǵa shekem erkinliginen ayırıwı múmkin.
Ishki isler ministrligi, Milliy gvardiya, Sanitariya-epidemiologiyalıq qadaǵalaw inspeksiyası nızam ústemligin hám jazanıń sózsiz qollanılıwın qatań támiyinlewi shárt.
Men isenemen, shańaraq aǵzalarınıń, balalarınıń densawlıǵın, eldegi tınıshlıq hám turaqlılıqtı bárinen joqarı qoyatuǵın aqıllı xalqımız bunday jaǵdayǵa túskiсі kelmeydi.
Koronavirus pandemiyası – pútkil insanıyatqa Jaratqan tárepinen jiberilgen sınaw. Eger xalqımız birlesse, barlıq usınıslarǵa, shıpakerlerdiń kórsetpelerine ámel etse, karantin dáwirinde zárúr bolmaǵan jaǵdayda úyinen shıqpasa, keselliktiń dáslepki belgileri payda bolǵan waqıtta bul jaǵdaydı jasırmastan, óz waqtında medicina xızmetkerlerine múrájat etse, biz bul kesellikti mindetli túrde jeńemiz!
Koronavirusqa qarsı gúresiwdegi «maydan»da birinshi soqqını medicinalıq xızmetkerler qabıl etpekte. Bir ápiwayı haqıyqatlıqtı moyınlaw ádil boladı. Eger nawqaslarǵa óz waqtında járdem kórsetilse, olar emlenip, awırıwxanadan shıǵarıladı. Biraq medicinalıq xızmetkerler sońǵı nawqas sawıqқанша óz jumıs ornın taslap kete almaydı.
Pútkil dúnya shıpakerleri, sonıń ishinde elimizdiń medicinalıq xızmetkerleri de óz kásibine sadıqlıǵın kórsetip, xalqımızdıń, ata-analarımızdıń hám balalarımızdıń densawlıǵı ushın kúndiz-túni miynet etpekte. Bul hámmemiz ushın erlik úlgisi bolıp tabıladı.
Sonıń ushın puqaralardıń ómiri hám densawlıǵın qorǵaw isine qosqan úlken úlesin, pidayılıǵın moyınlay otırıp, koronavirus infekciyasınıń tarqalıwına qarsı gúresiwge tartılǵan medicinalıq xızmetkerlerdi, sanitariya-epidemiologiyalıq hám basqa xızmetler xızmetkerlerin qosımsha sociallıq hám materiallıq jaqtan qollap-quwatlaw haqqında arnawlı qararǵa qol qoydım.
Karantin dáwirinde koronavirus penen awırǵan nawqaslar menen tikkeley qatnasta bolǵan, infekciya juqtırǵanlar jaylastırılǵan obektlerde jumıs alıp baratırǵan shıpakerler hám epidemiologlarǵa hár ay 25 million sum, medsestra hám laborantlarǵa 15 million sum, sanitariya xızmetkerlerine 10 million sum, basqa xızmetkerlerge bolsa 5 million sum muǵdarında sıylıq tólemleri beriledi.
Bunnan tısqarı, infekciya juqtırǵan nawqaslar menen islew barısında koronavirus juqtırǵan medicinalıq xızmetkerlerge bólek 100 million sum tólenedi.
Densawlıqtı saqlaw sistemasınıń hár bir xızmetkerine ayrıqsha itibar qaratıw, koronavirus penen awırǵan nawqaslar menen qatnasta bolǵan medicinalıq xızmetkerlerdi karantinge jaylastırıwda tiyisli sharayatlar jaratıw zárúr.
Ózbekstan xalqı atınan óz ómiri hám densawlıǵına qáwip túse otırıp, pandemiyaǵa qarsı gúresip atırǵan húrmetli shıpakerlerge, medsestra hám sanitarlarga sheksiz minnetdarlıq bildiremen, – dedi mámleket basshısı.