- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 10
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 10
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 10
- Prezident Bektemir rayonı aktivleri menen ushırasıw ótkerdi. 10
Ózbekstan Respublikası Prezidenti Shavkat Mirziyoev 9-aprel kúni koronavirus pandemiyası sharayatında milliy ekonomikanıń finanslıq tayanıshı sıpatında bank sistemasınıń turaqlı islewin támiyinlew máseleleri boyınsha májilis ótkerdi.
Búgingi kúnde elimizde xalıqtı, ekonomika tarmaqların hám isbilermenlik subyektlerin qollap-quwatlaw boyınsha barlıq zárúr ilajlar kórilmekte. Mámleket basshısınıń usı jıldıń 19-mart hám 3-aprel kúnlerindegi pármanları menen bul baǵdarda kóp sanlı jeńillikler hám preferenciyalar belgilep berildi.
Atap aytqanda, isbilermenler hám xalıqtıń ulıwma 19,5 trillion somlıq kreditleri boyınsha procentlerdi tólew múddeti 1-oktyabrge shekem keshiktiriledi. Álbette, bul karantin dáwirinde olar ushın úlken járdem boladı. Biraq házirgi sharayatta finans-kredit shólkemlerine túsетуǵın qarjılar kóleminiń azayıwın da esapqa alıw kerek.
Usıǵan baylanıslı jıyında banklerdiń turaqlı xızmetin támiyinlew, jumıs orınları hám xalıq dáramatların saqlap qalıw másелеleri talqılandı.

Dúnya ekonomikasında júzege kelip atırǵan krizislik qubılıslardı esapqa alǵan halda, banklerdiń joybarlar portfelin sın kóz benen qayta kórip shıǵıw wazıypası qoyıldı. Basqasha aytqanda, ámelge asırılıwı ele baslanbaǵan uzaq múddetli joybarlardı anıqlap, olardıń ornına usı jıldıń ózinde nátiyje bere baslaytuǵın jańa joybarlardı engiziw zárúr.
Banklerge kishi biznes subyektlerine jumıs orınların jaratıw hám úy sharayatında ózin-ózi bánt etiwdi xoshametlew ushın qarjılardı birinshi gezekte baǵdarlaw usınıs etildi.
Usı jılı bántlikti támiyinlew baǵdarlamaların qarjılandırıw ushın Agrobank, Xalıq banki hám Mikrokreditbank arqalı 4 trillion sum baǵdarlaw rejelestirilgen. Bunnan tısqarı, Kriziske qarsı fond arqalı Isbilermenlik xızmetin qollap-quwatlaw mámleketlik fondına 500 milliard sum ajıratıladı.
Bul qarjılar kóp sanlı jańa joybarlarǵa túrtki beredi. Prezident azıq-awqat qáwipsizligin bekkemlewge, awıl xojalıǵı, densawlıqtı saqlaw, kishi biznes hám isbilermenlik tarawlarına tiyisli joybarlarǵa ústinlik beriw kerek ekenligin atap ótti.
Karantin sharayatında da agrar jumıslar dawam etip atırǵanın esapqa alıp, awıl xojalıǵınıń tiyisli tarawlarına biriktirilgen kommerciyalıq bankler usı baǵdardaǵı joybarlar portfelin keńeytiwi kerek ekenligi atap kórsetildi.
Belgili bolǵanınday, ótken háptede 24 bank baslama kórsetip, jeke tulǵalar ushın kredit dem alısların járiyaladı. Búgingi májiliste bankler tárepinen xalıqtıń isenimin hám húrmetin bekkemlewge járdem beretuǵın usınday basqa da qararlardı qabıllaw maqsetke muwapıq ekenligi atap kórsetildi.
Sonday-aq, múddeti pitken amanatlardıń múddetin uzaytıw hám bul haqqındaǵı maǵlıwmattı ǵalaba xabar qurallarında járiyalaw da júdá paydalı bolıwı aytıldı.
Karantin tamamlanǵannan keyin kóp kárxanalarǵa óz xızmetin tiklew ushın ádewir waqıt hám qarjı talap etiledi. Usıǵan baylanıslı, Oraylıq bankke islep shıǵarıw kárxanalarınıń aylanba qarjıların tolıqtırıw hám olardıń jumısın dawam ettiriwin támiyinlew ushın bankler arqalı 30 trillion sum ajıratıw tapsırıldı. Zárúrlik tuwılǵan jaǵdayda kárxanalarǵa xızmetkerlerdiń miynet haqın tólew ushın da kreditler beriwdi jolǵa qoyıw kerek ekenligi atap ótilди.
Sonday-aq, aralıqtan kórsetiletuǵın xızmetler túrlerin hám qamtıw dárejesin keńeytiw boyınsha wazıypalar belgilendi.
Videokonferenciya arqalı ótkerilgen májiliste tarawǵa juwapker shaxslar hám kommerciyalıq bankler basshıları talqılanǵan máseleler boyınsha maǵlıwmat berdi.
