- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 11
- Jasırın ekonomikanı qısqartıw hám korrupciyanıń aldın alıw máseleleri dodalandı 10
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 10
Ózbekstan Respublikası Prezidenti Shavkat Mirziyoevtiń basshılıǵında 28-iyul kúni aymaqlarda koronavirusqa baylanıslı qıyın jaǵdaydı turaqlastırıw ilajları boyınsha videoselektor májilisi ótkerildi.
Shavkat Mirziyoyev: biz nawqaslardı emlew menen birge, ekonomikanı da rawajlandırıwımız kerek
COVID-19 pútkil dúnyada tarqalıwın dawam ettirmekte. Mámleketimizde infekciya juqtırǵanlar sanı 21,7 mıńǵa jetti, sońǵı bes kún ishinde bul kórsetkish 3 mıńǵa arttı.
Atap aytqanda, Tashkent wálayatında 347, Qashqadárya wálayatında 193, Surxandárya wálayatında 130, Samarqand wálayatında 123, Sırdárya wálayatında 83 hám Andijan wálayatında 79 jańa jaǵday anıqlandı. Buxara, Farg‘ona, Samarqand, Namangan, Tashkent, Xorezm wálayatlarında hám Qaraqalpaqstanda pnevmoniya menen awırıw jaǵdayları ádewir kóbeydi.
Bunnan aldın Respublikalıq arnawlı komissiyanıń qararına muwapıq, karantin sheklewleriniń múddeti 15-avgustqa shekem uzaytılǵan edi. Sonıń menen birge, júzege kelgen jaǵday koronavirusqa qarsı gúresti jáne de kúsheytiwdi talap etpekte.
Keńeste aymaqlardaǵı áhmiyetli mashqalalar talqılanıp, qosımsha wazıypalar belgilendi.
Respublikalıq arnawlı komissiyaǵa jergilikli jerlerde epidemiologiyalıq jaǵdaydı turaqlastırıw, sonday-aq nawqaslardı emlew boyınsha ámeliy járdem kórsetiw ushın hár bir aymaqqa arnawlı toparlardı dúzip, jiberiw tapsırıldı.
Bul toparlarǵa juwapker mekemelerdiń, qánigelestirilgen medicinalıq oraylardıń hám medicina joqarı oqıw orınlarınıń basshıları menen qánigeleri, sonday-aq pensiyaǵa shıqqan tájiriybeli shıpakerler tartıladı. Toparlar aymaqlarda xalıqtı erte hám anıq diagnozlawǵa, nawqaslardıń kesellik dárejesine qarap durıs hám joqarı qánigelik penen emlewge járdem beredi.
Hákimliklerge koronavirus penen awırıǵanlar ushın qánigelestirilgen emlewxanalar shólkemlestiriw, intensiv terapiya hám reanimaciya orınlarınıń sanın kóbeytiw, olardı zárúr medicinalıq úskeneler hám dári-dármaqlar menen támiyinlew tapsırıldı. Tashkent qalasınıń tájiriybesi tiykarında koronavirus infekciyası hám pnevmoniya menen awırıǵanlarǵa joqarı qánigelik medicinalıq járdem kórsetiw ushın «arnawlı poliklinikalar» shólkemlestiriw zárúrligi atap ótilді.
Mámleket basshısı awır jaǵdaydaǵı nawqaslardıń halın jeńillestiriwge járdem beretuǵın medicinalıq úskeneler menen támiyinlew máselesine de toqtaldı.

Sońǵı eki hápte ishinde qosımsha túrde 370 jasalma dem aldırıw apparatı, 1 041 CPAP apparatı, 1 164 kislorod koncentratorı hám basqa úskeneler jetkerilip, aymaqlar arasında bólistirildi. Jutqınlanǵanlar sanı kóbeyiwi múmkin ekenin esapqa alıp, Respublikalıq arnawlı komissiyaǵa jerlerge qosımsha medicinalıq úskeneler jetkeriw tapsırıldı.
Prezidenttiń 25-iyuldegi «Koronavirus pandemiyasın jumsartıw, sanitariya-epidemiologiyalıq abadanlıq hám xalıq densawlıǵın qorǵaw sistemasın túpten jetilistiriw ilajları haqqında»ǵı Pármanına muwapıq, Sanitariya-epidemiologiyalıq abadanlıq hám jámiyetlik densawlıq xızmeti shólkemlestirildi. Búgin bul xızmet aldına virustıń tarqalıw shınjırın úziw wazıypası qoyıldı. Xızmettiń áhmiyetli baǵdarları qatarında densawlıqtı saqlaw sisteması hám hákimlikler menen birgelikte nawqaslardı emlew, sonday-aq olardan virustıń juǵıw qáwpin azaytıw boyınsha jumıs alıp barıw belgilendi.
Keńeste balalardıń, hámile ayallardıń, qart adamlardıń, múmkinshiligi sheklengen shaxslardıń hám sozılmalı kesellikler menen awırıytuǵın adamlardıń densawlıǵın úzliksiz baqlap barıwdıń áhmiyeti atap ótilді.
Karantin dáwirinde járdemge mútáj bir de shańaraq itibarсыз qalmawı, xalıqtıń az támiyinlengen qatlamlarına materiallıq járdem, azıq-awqat ónimleri hám dári-dármaqlardı mánzilli jetkerip beriw sisteması anıq hám sáykeslestirilgen túrde islewi kerek ekeni atap ótilді.
— Házirgi jaǵdayda biz bir waqıttıń ózinde nawqaslardı emlewimiz de, ekonomikanı rawajlandırıwımız da kerek. Sonıń ushın adamlar densawlıǵın qorǵaw menen bir qatarda, basqa baǵdarlardaǵı jumıslardı da temir tártip penen dawam ettiriwimiz zárúr, — dedi Shavkat Mirziyoyev.
Hákimlerge aymaqlardaǵı haqıyqıy jaǵdaydı esapqa alǵan halda anıq ilajlar kóriw boyınsha tapsırmalar berildi. Betperde taǵıw hám sociallıq aralıqtı saqlaw qaǵıydalarına qatań ámel etiw, 65 jastan asqan puqaralarǵa bolsa zárúrlik bolmasa úyden shıqpawdıń áhmiyeti aytıp ótilди.
Hákimler hám sektor basshıları da qatnasqan videoselektor jıyınında eksport hám investiciyalar, byudjetke túsimlerdiń boljaw kórsetkishleriniń orınlanıwı, paxta jetistiriw hám eginlerdi suwǵarıw jumıslarınıń barısı kórip shıǵıldı. Usı máseleler boyınsha juwapker basshılardıń esabatları tıńlandı.

