- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 11
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 11
- Prezident Bektemir rayonı aktivleri menen ushırasıw ótkerdi. 11
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
Puqaralardıń kepillengen miynet huqıqların támiyinlew máseleleri boyınsha Parlament komissiyası, Nızamshılıq palatasınıń Miynet hám sociallıq máseleler komiteti hám Ózbekstan Liberal-demokratik partiyası — Isbilermenler hám isker adamlar háreketiniń Keńesi menen birgelikte Oqqo‘rg‘on rayonında awıl xojalıǵı tarawı xızmetkerlerine Ózbekstan tárepinen ratifikaciya etilgen Xalıqaralıq Miynet Shólkeminiń (XMSH) 105-sanlı «Májbúriy miynetti joyıw haqqında»ǵı Konvenciyasınıń, sonday-aq, Ózbekstan Respublikası Ministrler Kabinetiniń 2018-jılǵı ónimnen shiyki paxtanı jıynawdı uyımlasqan túrde ótkeriw ilajları haqqındaǵı qararınıń mazmunı hám áhmiyetin túsindiriwge baǵıshlanǵan «dóńgelek ústel» shólkemlestirildi.
Is-sharaǵa puqaralardıń kepillengen miynet huqıqların támiyinlew máseleleri boyınsha Parlament komissiyasınıń hám Nızamshılıq palatasınıń Miynet hám sociallıq máseleler komitetiniń aǵzaları, Tashkent wálayatı Kásiplik awqamları keńesiniń xızmetkerleri, wálayatlıq, rayonlıq hám qalalıq xalıq deputatları Keńesleriniń deputatları, fermer xojalıqları basshıları, partiya xızmetkerleri hám belsendileri, sonday-aq, ǵalaba xabar quralları wákilleri qatnastı.
Is-sharada atap ótilgenindey, ǵárezsizlik jıllarında xalıqaralıq huqıq principleri hám normalarına muwapıq jaratılǵan normativ-huqıqıy baza puqaralardıń miynet huqıqların qorǵaw kepilliklerin bekkemlewge xızmet etedi.
— Milliy nızamshılıqta balalardı miynetke tartıwǵa hám olardıń miynetinen májbúriy túrde paydalanıwǵa, sonıń ishinde qanday da bir jaza qollanıw menen qorqıtıw arqalı yamasa miynet tártip-intizamın saqlaw quralı sıpatında jumıs islewge májbúrlewge qatań túrde tıyım salınǵan, — deydi Nızamshılıq palatasınıń Miynet hám sociallıq máseleler komiteti baslıǵı Mavludaxon Xojaeva. — Miynetke májbúrlewdiń hár qanday túri ushın administrativ juwapkershilik belgilegen. Ózbekstan Xalıqaralıq Miynet Shólkeminiń balalar miyneti hám májbúriy miynettiń aldın alıwǵa baylanıslı bir qatar konvenciyaların ratifikaciya etken. Olardıń qatarına 105-sanlı «Májbúriy miynetti joyıw haqqında»ǵı Konvenciya da kiredi.
Sonday-aq, Ózbekstan Respublikası Oliy Majlisi Senatınıń qararına muwapıq dúzilgen Puqaralardıń kepillengen miynet huqıqların támiyinlew máseleleri boyınsha Parlament komissiyasınıń bul tarawda ámelge asırıp atırǵan jumısları da atap ótilde. Májbúriy miynettiń aldın alıw maqsetinde 2013-jıldan baslap paxtashılıq tarawında balalar miyneti hám májbúriy miynet boyınsha xalıqaralıq hám milliy monitoring alıp barılmaqta. Ózbekstan húkimeti tárepinen izbe-iz ámelge asırılıp atırǵan ilajlar nátiyjesinde elimizde balalar miyneti pútkilley joyıldı, al májbúriy miynet qáwpi jıldan-jılǵa azayıp barmaqta. Bul jaǵday búgingi kúnde xalıqaralıq jámiyetshilik tárepinen de moyınlanbaqta.
AQSH Miynet ministrliginiń 2017-jılǵı balalar miynetiniń maqbul bolmaǵan túrleri haqqındaǵı 2018-jıl 20-sentyabrde járiyalanǵan esabatına muwapıq, Ózbekstan tórtinshi orınnan ekinshi orınǵa kóterilgen. Bul pikir Ózbekstannıń miynet huqıqların qorǵaw tarawında «nızamshılıqtı tártipke keltiriw, huqıqtı qollanıw, kúsh-jigerlerdi sáykeslestiriw, húkimet siyasatı hám sociallıq baǵdarlamalarǵa baylanıslı ayırım máseleler boyınsha salmaqlı ilajlar qabıl etken mámleketler» kategoriyasına kirgizilgeni menen de tastıyıqlanadı.
Atap ótilgenindey, Ózbekstan Respublikası Ministrler Kabinetiniń 2018-jıl 30-avgusttaǵı «2018-jılǵı ónimnen shiyki paxta jıynawdı uyımlasqan túrde ótkeriw ilajları haqqında»ǵı qararı fermer-diyqanlardıń jumısqa bolǵan qatnasın túpten ózgertti. Paxtanıń satıp alıw bahasınıń burınǵı jıllarǵa salıstırǵanda derlik eki ese kóteriliwi, sonday-aq, bul ónimdi jetistiretuǵın fermer xojalıqlarınıń xızmet kórsetiwshi shólkemler, byudjet hám mámleketlik maqsetli fondlar aldındaǵı qarızların esaplanǵan penya hám jarımalar menen birge tólew múddetiniń úsh jılǵa uzaytılıwı ekonomikalıq paydanı jáne de arttıradı. Dıqqatqa ılayıq tárepi, biyıl paxta teriwshilerge miynet haqı hár kúni tikkeley paxta maydanında tólenedi. Bul bolsa olar ushın qosımsha qolaylıqlar jaratadı.
Biyılǵı paxta jıynaw máwsimi tek ıqtıyarlı túrde ótkeriledi. Paxta terimin shólkemlestiriw Ózbekstan Respublikası Jumıs penen támiyinlew hám miynet qatnasıqları ministrligine hám xalıqtı jumıs penen támiyinlewge járdemlesiw oraylarına múráját etiw arqalı ámelge asırıladı. Paxta teriwge ıqtıyarlı túrde qatnasıw tilegin bildirgen puqaralarǵa mámleket tárepinen transport xızmeti, turar jay hám tegin awqatlandırıw támiyinlenedi.
— Biyılǵı paxta jıynaw máwsiminde óz qálewi menen paxta teriwge qatnasıwdı rejelestirgen, miynetke jaramlı 80–100 adamnan ibarat uyıspagan hám waqıtsha jumıs penen bánt bolmaǵan puqaralardı toparlarǵa birlestirgen belsendi puqaralardıń miyneti layıqlı túrde xoshámetlenedi, — dep atap ótedi Tashkent wálayatı Kásiplik awqamları keńesiniń yuriskonsulti Faridun Nafasov. — Paxta jıynawǵa ıqtıyarlı túrde qatnasıw tilegin bildirgen puqaralardıń huqıq hám máplerin mámleket qorǵaydı, sonday-aq, paxta teriw dáwirinde olar ushın zárúr sharayatlar jaratıladı.
Ashıq sáwbet túrinde ótkerilgen «dóńgelek ústel» dawamında Nızamshılıq palatası deputatları hám Tashkent wálayatı Kásiplik awqamları keńesiniń xızmetkerleri qatnasıwshılardı qızıqtırǵan sorawlarǵa tolıq juwap berdi.