Densawlıqtı saqlaw ministrligi Jizzaqta koronavirus tarqalıwı haqqındaǵı xabardı biykarladı

Densawlıqtı saqlaw ministrligi Jizzaqta koronavirusqa gúman etilgen 20 dan aslam adam wálayat emlewxanasına alıp kelingeni, olardan birewi qaytıs bolǵanı haqqındaǵı xabardı biykarladı.

Densawlıqtı saqlaw ministrligi Jizzaxta koronavirus tarqalǵanı haqqındaǵı xabarlardı biykarladı

Qıtaydaǵı jaǵdaydı esapqa alǵan halda, usı jıldıń yanvar ayınan baslap mámlekettiń bajıxana shegarasın kesip ótip atırǵan puqaralar sanitariyalıq baqlaw ótkeriw punktlerinde medicinalıq kórikten ótkerilmekte. Aymaqlıq medicinalıq mákemelerde jumıs isleytuǵın shıpakerler koronavirus, gripp hám ótkir respiratorlıq keselliklerge baylanıslı jáne de sergek bolıwda. Búgingi kúnge shekem koronavirus juqtırǵan adamlar anıqlanǵan joq.

Atap ótiw kerek, Densawlıqtı saqlaw ministrligi hám basqa tiyisli shólkemler mámlekette koronavirustıń aldın alıw hám onıń tarqalıwına jol qoymaw ushın barlıq zárúr ilajlardı kórmekte. Medicinalıq mákemelerde bul kesellikti erte anıqlaw hám emlew ushın barlıq sharayatlar jaratılǵan.

Aymaqlıq sanitariyalıq-epidemiologiyalıq baqlaw orayı gripp hám ótkir respiratorlıq viruslı infekciyalar menen awırǵanlar haqqındaǵı maǵlıwmatlardı talqılap barmaqta. Mákemelik juqpalı kesellikler diagnozı qoyılǵan puqaralar qánigelerdiń baqlawında bolıp, olarǵa zárúr medicinalıq járdem kórsetilmekte.

Koronavirus infekciyası hám oǵan baylanıslı jaǵdaylar boyınsha Densawlıqtı saqlaw ministrliginiń Sanitariyalıq-epidemiologiyalıq basqarmasına (71) 276-46-65, (71) 276-49-66 telefon nomerleri arqalı múrájat etiw múmkin.

| 9 29.01.2020



×
Portal kartası