- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 10
Prezident Shavkat Mirziyoyev 27-yanvar kúni Tashkent xalıqaralıq investiciya forumın shólkemlestiriw máseleleri boyınsha keńes ótkerdi.
Sońǵı jıllarda elimizde investiciyalıq klimat ádewir jaqsılandı. Tarawdıń nızamshılıq bazası jańalandı, investorlar ushın huqıqıy kepillikler bekkemlendi.
Ótken jılı – Belsendi investiciyalar hám sociallıq rawajlanıw jılında investiciyalar aǵımı sezilerli dárejede arttı. Atap aytqanda, tikkeley shet el investiciyalarınıń kólemi 4,2 milliard AQSH dolların quradı. Bul 2018-jılǵı kórsetkishlerge salıstırǵanda 3,1 milliard dollarǵa yamasa 3,7 esege kóp.
Mámleket basshısı ótken háptede Oliy Majlisge Jollawında ekonomikanı joqarı pát penen rawajlandırıw maqsetinde belsendi investiciyalıq siyasat izbe-iz dawam ettiriletuǵının атап ótti. 2020-jılı ózlestiriletuǵın investiciyalardıń áhmiyetli bólegin tikkeley shet el investiciyaları hám kreditleri quraydı.

Atap aytqanda, usı jılı elimiz ekonomikasına 5,8 milliard AQSH dolları muǵdarında tikkeley shet el investiciyaların tartıw rejelestirilgen. Usı maqsette mart ayında Tashkent xalıqaralıq investiciya forumı ótkeriledi.
Forumnıń tiykarǵı maqseti – ekonomikanıń jetekshi tarawları bolǵan energetika, mashinasazlıq, elektrotexnika, informaciyalıq texnologiyalar tarawı, toqımashılıq sanaatı, awıl xojalıǵı hám azıq-awqat sanaatı, qurılıs industriyası, sonday-aq, elimiz aymaqlarına tikkeley shet el investiciyaların tartıw.
Keńeste bul ilajdı joqarı shólkemlestiriwshilik dárejesinde ótkeriw boyınsha anıq wazıypalar belgilep alındı.
Investiciyalar hám sırtqı sawda ministrligine, sonıń ishinde, aymaqlar basshıları menen birgelikte shet el investorlarına usınılatuǵın keleshegi bar joybarlar boyınsha prezentaciyalıq materiallardı tayarlaw tapsırıldı.

Aymaqlıq baǵdarlamalardı ámelge asırıw barısında jergilikli islep shıǵarıwshılar menen shet el investorları arasında tikkeley sheriklik qatnasıqların ornatıwǵa ayrıqsha itibar qaratiw zárúrligi atap ótilді.
Sırtqı isler ministrligine forumǵa jetekshi shet el kompaniyaları, xalıqaralıq finanslıq shólkemler hám ǵalaba xabar quralları wákillerin shaqırıw zárúrligi kórsetildi.
Forum ilajları ótkeriletuǵın orınlardı sapalı tayarlaw, forumdı ǵalaba xabar qurallarında keńnen ilgeriletiw hám keńnen sáwlelendiriw máseleleri de kóterildi.
Juwapker shaxslar ilajǵa tayarlıq barısı hám kútilip atırǵan kelisimler haqqında esabat berdi.
