- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 11
- Jasırın ekonomikanı qısqartıw hám korrupciyanıń aldın alıw máseleleri dodalandı 10
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 10
2020-jıl 4-fevral kúni Oliy Majlis Nızamshılıq palatasınıń májilisi bolıp ótti. Onda deputatlar elimizdiń jámiyetlik-siyasiy turmısın jaqsılawǵa baylanıslı bir qatar nızam joybarların kórip shıqtı.
Atap aytqanda, parlamenttiń tómen palatasınıń talqılarına usınılǵan «Ózbekstan Respublikasınıń ayırım nızam hújjetlerine ózgerisler hám qosımshalar kiritiw haqqında»ǵı nızam joybarı boyınsha qızǵın pikir almasıwlar boldı.
Atap ótilgenindey, elde isbilermenlik iskerligin júrgiziwdi ápiwayılastırıw hám qollap-quwatlaw maqsetinde bir qatar tártipler qayta kórip shıǵıldı, zamanagóy talaplarǵa juwap bermeytuǵın eskirgen byurokratiyalıq tosıqlar hám kedergiler saplastırıldı. Ámelge asırılǵan ilajlar nátiyjesinde isbilermenlik ortalıǵı jaqsılandı, respublikada isbilermenlik subyektleri hám jeke investorlar ushın keń imkaniyatlar jaratıldı.
Biznes ortalıǵın jáne de jaqsılaw, elde baslanǵan isbilermenlikke jáne de kóbirek erkinlik beriw reformaların dawam ettiriw, sonday-aq qabıl etilgen nızam hújjetleriniń jergilikli jerde durıs qollanılıwın támiyinlew maqsetinde Ózbekstan Respublikası Prezidentiniń 2019-jıl 20-noyabrdegi «Elde biznes ortalıǵın jáne de jaqsılaw hám isbilermenlikti qollap-quwatlaw sistemasın jetilistiriw ilajları haqqında»ǵı qararı qabıl etildi.
Bul nızam joybarı usı qarardıń orınlanıwın támiyinlew maqsetinde islep shıǵılǵan. Hújjet sud sistemasında bir qatar reformalardı ámelge asırıwǵa, insan faktorınıń aralasıwın saplastırıwǵa xızmet etedi.
Atap aytqanda, sud baslıǵınıń islerdi bólistiriw menen baylanıslı wákilliklerin biykar etiwdi názerde tutatuǵın ózgerisler kirgizilmekte. Bunda islerdi sudyalar arasında bólistiriwdiń tek avtomatlastırılǵan sisteması engiziledi. Bul arqalı búgingi kún talaplarına juwap bermeytuǵın eskirgen byurokratiyalıq tosıqlar hám kedergiler biykar etiledi.
Talqılawlar dawamında usınıs etilip atırǵan bul hám basqa ózgerisler sud-huqıq sistemasınıń jáne de rawajlanıwına, isbilermenlik iskerligin ámelge asırıwdı ápiwayılastırıwǵa hám onı xoshametlewge xızmet etetuǵını atap ótilди.
Nızam joybarı deputatlar tárepinen birinshi oqıwda konceptual jaqtan maqullandı.