- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
- Prezident Bektemir rayonı aktivleri menen ushırasıw ótkerdi. 11
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 10
Ózbekstan Respublikası Prezidenti Shavkat Mirziyoev 31-yanvar kúni Mámleketlik geologiya hám mineral resurslar komitetine barıp, ilimpazlar, jas izertlewshiler, óndiris tarawınıń wákilleri hám ilimiy-izertlew mákemeleriniń basshıları menen ushırastı.

Mámleketimizde ilimdi rawajlandırıwǵa ayrıqsha itibar qaratılmaqta, 2020-jıldıń atamasına muwapıq, bul tarawdaǵı jumıslar jáne de kúsheytiledi. Tarawdıń áhmiyetli máselelerin sheshiw, ilimiy izertlew iskerligin qollap-quwatlawdı keńeytiw rejelestirilgen. Atap aytqanda, jańa mákemeler hám baǵdarlar shólkemlestiriledi.
2019-jıl 29-oktyabrde «Ilim hám ilimiy iskerlik haqqında»ǵı Ózbekstan Respublikası Nızamı qabıl etildi. Nızamdı ámelde júzege shıǵarıw ushın Respublikalıq Ilim hám texnologiyalar keńesi shólkemlestirildi.
Ilimler akademiyası janındaǵı ilimiy-izertlew mákemeleriniń sanı 20 dan 35 ke kóbeydi. Akademiyaǵa saylawlar qayta tiklendi. Innovaciyalıq rawajlanıw ministrligi shólkemlestirildi, bir qatar innovaciyalıq oraylar, ilimiy klasterler hám texnoparklardıń jumısı jolǵa qoyıldı.
Ótken úsh jıl dawamında ilimdi finanslandırıw tórt ese arttı. Ilimiy xızmetkerlerdiń aylıǵı úsh ese kóbeytildi, ilim doktorları hám kandidatları ushın arnawlı qosımsha tólemler engizildi.
Usı jıldan baslap Ilimler akademiyası sistemasındaǵı shólkemler Mámleketlik byudjetten tuwrıdan-tuwrı finanslandırıladı.
Búgingi ushırasıwda mámleket basshısı ilim tarawı wákillerin materiallıq hám ruwxıy jaqtan qollap-quwatlaw izbe-iz dawam ettiriletuǵının atap ótti.
– Endilikte alımlarımız óz juwapkershiligin tereń ańlaǵan halda, izertlewleri hám olardan alınatuǵın ámeliy nátiyjeleri menen tiyisli tarawlardıń rawajlanıwına layıqlı úles qosıwı kerek. Abıraylı akademiklerden baslap, ilimde dáslepki qádemlerin taslap atırǵan jaslarǵa shekem joqarı belsendilik hám haqıyqıy nátiyjelilik talap etiledi, – dedi Prezident.
Ushırasıwda mámleketimizde matematika, ximiya-biologiya, geologiya ilimleriniń perspektivaları haqqında ashıq sóylesiw bolıp ótpekte, tarawlardı rawajlandırıwdıń tiykarǵı baǵdarları belgilep alınbaqta.