- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Mámleket basshıları sóylesiwlerdiń nátiyjelerinen qanaatlanǵanlıǵın bildirdi 11
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 11
- Prezident Bektemir rayonı aktivleri menen ushırasıw ótkerdi. 11
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
Ózbekstan Respublikası Bas ministriniń orınbasarı Sardor Umurzaqov basshılıǵındaǵı tiyisli ministrlikler, uyımlar, tarmaq xojalıq birlespeleri hám kommerciyalıq banklerdiń basshıları, sonday-aq, jergilikli mámleketlik hákimiyat uyımlarınıń wákillerinen ibarat jumısshı topar tárepinen Qaraqalpaqstan Respublikasınıń ekonomikalıq potencialın tarmaqlar, rayonlar hám qalalar kesiminde kompleksli úyreniw, aymaqlıq investiciyalıq baǵdarlamanı xatlawdan ótkeriw hám investiciyalıq jumıstı jedellestiriw boyınsha usınıslar islep shıǵıw boyınsha bir háptelik jumıs juwmaqlandı, dep xabar bermekte "Dúnya" IA.
Jumıs toparınıń tiykarǵı wazıypası tartılatuǵın investiciyalardıń eń joqarı ekonomikalıq nátiyjeliligin támiyinlew, sonıń ishinde sanaat hám awıl xojalıǵınıń ústin tarmaqlarında óndiris kólemin arttırıw, eksport bazarlarında talap joqarı bolǵan, qosılǵan qunı joqarı ónimlerdi óndiriw hám jetkerip beriwdi kóbeytiw esabınan eksportlıq múmkinshiliklerdi keńeytiw, sonday-aq xalıqtıń keń qatlamlarınıń jumıs penen támiyinleniwin támiyinlew etip belgilendi.
Ótkizilgen tallaw hám óndiris penen eksporttıń maqsetli kórsetkishlerin belgilew nátiyjesinde olarǵa erisiwge tosıq bolıwı múmkin bolǵan mashqalalar anıqlanıp, olardı sheshiw algoritmleri islep shıǵıldı.
Bul jantasıw investiciyalıq joybarlardıń rentabelliligin obyektiv bahalawǵa, investiciyalıq xızmettiń aymaqtıń sociallıq-ekonomikalıq rawajlanıw dinamikasına tásirin kúsheytiwge hám xalıq párawanlıǵınıń ósiwin támiyinlewge múmkinshilik berdi.
Jumıs toparı xızmetiniń juwmaqları boyınsha ulıwma qunı 9,8 trillion som bolǵan 1 280 investiciyalıq joybardı óz ishine alǵan dáslepki paket qáliplestirildi. Olardan ulıwma qunı 5,0 trillion som bolǵan 707 joybar usı jıldıń aqırına shekem ámelge asırıladı. Ulıwma alǵanda, bul joybarlar paketiniń ámelge asırılıwı aymaqta usı jıldıń aqırına shekem 17 mıńnan artıq jumıs ornın jaratıwǵa múmkinshilik beredi.
Xalıqtı jumıs penen támiyinlew máselesine ayrıqsha itibar qaratıldı. Bunda óndiris kárxanaları menen kooperaciyalıq baylanıslardı jolǵa qoyıw hám bal arıshılıq, sharwashılıq, qusshılıq, jipekshilik, trikotaj hám tigiw buyımların óndiriw sıyaqlı tarmaqlarda úy miynetin shólkemlestiriw ushın múmkinshilikler jaratıw názerde tutıldı. Bul baǵdarda ulıwma qunı 128 milliard som bolǵan 120 investiciyalıq joybar islep shıǵıldı.
Tarawlar, kommersiyalıq bankler hám jergilikli hákimiyat organlarınıń basshıları menen islep shıǵılǵan hám ámelge asırıw ushın usınılǵan investiciyalıq joybarlar mısalında jańa jantasıwdı qollanıw ózgeshelikleri anıq baǵdarda tolıq talqılandı. Olardıń abzallıqları hám kemshilikleri hár tárepleme úyrenilip, ayırım joybarlardı qayta kórip shıǵıw hám alternativ investiciyalıq baslamalardı qarap shıǵıw boyınsha tapsırmalar berildi. Jańa metodikanı Respublikanıń basqa aymaqlarında da sistemalı túrde qollanıw rejelestirilmekte.
Aymaqtı rawajlandırıw hám jańa investiciyalıq joybarlar boyınsha islep shıǵılǵan usınıslardı ámelge asırıw aymaq ekonomikasınıń ósiwine hám isbilermenlik subyektlerin qollap-quwatlawǵa járdem beredi.