- Mámleketimizdegi "qızıl," "sarı" hám "jasıl" aymaqlardıń jańalanǵan dizimi járiyalandı 12
- Deputatlar tárepinen Ózbekstan Respublikası máhálle hám shańaraqtı qollap-quwatlaw ministri lawazımına talaban maqullandı 11
- Ózbekstan Prezidenti BMSH Bas Assambleyasınıń 78-sessiyasında sózge shıqtı. 11
- Prezident Bektemir rayonı aktivleri menen ushırasıw ótkerdi. 11
- Azıq-túlik qáwipsizligin támiyinlew hám úy janındaǵı jer uchastkelerinen nátiyjeli paydalanıwdı rawajlandırıw máseleleri dodalandı. 11
Ózbekstan Respublikası Prezidenti Shavkat Mirziyoyev 10-avgust kúni xalıqtıń densawlıǵı hám qáwipsizligin bekkemlew, ekologiyalıq abadanlıqtı támiyinlew, shıǵındılardı jıynaw hám qayta islew sistemasın jetilistiriw máseleleri boyınsha keńes ótkerdi.
Videokonferenciya baylanısı arqalı ótkerilgen ilaj basında koronavirus pandemiyasına qarsı gúresiw máselesi kóterildi. Atap aytqanda, medicinalıq mekemelerdegi tósek orınları sanınıń hám medicinalıq úskeneler menen támiyinleniw dárejesiniń ádewir arttırılıwı, tez medicinalıq járdem xızmeti hám emlew mekemeleri jumısınıń óz ara sáykeslestiriliwi nátiyjesinde sońǵı bir hápte ishinde koronavirus infekciyasınan sawayıw kórsetkishleri óskенi atap ótilді.
Pandemiya sharayatında puqaralardıń ómiri hám densawlıǵın qorǵawǵa bolǵan itibardı álsiretpegen halda jasaw hám jumıs islewdi dawam ettiriw, karantin talapların basqıshpa-basqısh jumsartıw áhmiyetli ekeni atap ótilді.
Mámleketimizde ekologiyalıq qáwipsizlikti támiyinlew mámleketlik siyasattıń ústin baǵdarlarınıń biri retinde qaraladı. Aral teńiziniń qurǵaǵan tabanında keń kólemli toǵayzarlar jaratılmaqta, Aral boyı aymaǵın rawajlandırıw baǵdarlamaları ámelge asırılmaqta. Ekologiyanı qorǵaw hám xalıq densawlıǵın saqlaw maqsetinde shıǵındılardı jıynaw hám qayta islew boyınsha izbe-iz jumıslar alıp barılmaqta. Bul máseleniń áhmiyeti búgingi pandemiya sharayatında jáne de artıp barmaqta.
— Shıǵındılardı basqarıw sistemasın tártipke salıw — turmısımız hám densawlıǵımız ushın eń áhmiyetli wazıypalardıń biri. Bul — xalıq densawlıǵına baylanıslı, millet keleshegi menen baylanısqan aktual másele, — dedi Prezident Shavkat Mirziyoyev.
Sońǵı úsh jıl dawamında shıǵındılardı basqarıw tarawına byudjetten ajıratılǵan 390 milliard sum есabınan shıǵındılardı tasıw ushın 742 dana arnawlı texnika satıp alındı hám 204 poligon modernizaciya etildi.
Qatań sınıy ruwhta ótken keńeste bul baǵdarda kóplegen mashqalalardıń bar ekeni kórsetildi. Mısalı, Izboskan, Guzar, Chust, Buvayda, Urgut hám Shaxrixan rayonlarında sanitariyalıq tazalaw xızmetleri menen qamtıw dárejesi respublikalıq kórsetkishten 2 ese tómen. Byudjet есabınan satıp alınǵan arnawlı texnikalardıń ózlestiriliwi jaǵdayları anıqlandı: Tashkent wálayatında 32 dana, Qashqadárya wálayatında bolsa 23 dana texnika. «Toza hudud» kárxanalarınıń debitorlıq qarızı joqarı.
Usı jıldıń mart ayında bolǵan keńeste tarawdaǵı jumıslardıń jaǵdayı sınıy talqılanıp, tiyisli tapsırmalar berilgen edi. Búgin olardıń orınlanıwı qarap shıǵıldı hám qosımsha wazıypalar belgilendi.
Házirgi waqıtta xalıqtı sanitariyalıq tazalaw xızmetleri menen qamtıw dárejesi 66 procentti quraydı. Keńeste bul kórsetkishti jıl aqırına shekem 90 procentke jetkeriw, sonıń ishinde tarawǵa jeke kárxanalardı keń túrde tartıw zárúrligi atap ótilді.
Shıǵındılardı qayta islew jumısların tártipke salıw boyınsha barlıq 14 aymaqta rayonlar kesiminde bólek qararlar qabıl etiliwi hám olardıń orınlanıwın baqlaw sistemasın engiziw belgilendi.
Shıǵındılardı jıynaw hám qayta islewde mámleketlik emes sektor qatnası jaqsı nátiyjeler kórsetpekte. Bunday kárxanalar islep turǵan barlıq jerlerde xalıq xızmet sapasınan razı. Mısalı, «Bio Techno Eco» juwapkershiligi sheklengen jámiyeti 6 million dollardan artıq kredit qarjısı есabınan 78 dana arnawlı texnika hám úskeneni satıp alıp, Termiz qalasında, Termiz hám Angor rayonlarındaǵı 285 mıń turǵınǵa sanitariyalıq tazalaw xızmetlerin kórsetpekte.
Aymaqlarda da usınday joybarlardı ámelge asırıwdı qáleytuǵın kóplegen isbilermenler bar. Usıǵan baylanıslı juwapker shaxslarǵa Qaraqalpaqstan Respublikası hám wálayatlarda mámleketlik-jeke sheriklik tiykarında 31 klaster shólkemlestiriw boyınsha tapsırma berildi.
Bul joybarlar есabınan turmıslıq shıǵındılardı qayta islew dárejesin jıl aqırına shekem 25 procentke, 2021-jılı bolsa keminde 35 procentke jetkeriw zárúrligi belgilendi.
Sanitariyalıq hám ekologiyalıq talaplarǵa juwap bermeytuǵın 51 poligon máselesin sheshiw, sonday-aq qurılıs shıǵındıları ushın 26 poligon hám olardı qayta islew klasterlerin shólkemlestiriw áhmiyetliligi atap ótilді.
Keńeste xalıqaralıq finanslıq institutlardan tartılǵan qarjılardan paydalanıw nátiyjeliligi de talqılandı.
Juwapker shaxslarga usı qarjılar sheńberinde baslanǵan joybarlardı tezletiw, obyektlerdi qısqa múddetlerde paydalanıwǵa tapsırıw wazıypası júklendi. Mámleket basshısı tarawdı únemli hám az shıǵınlı texnikalar menen támiyinlew áhmiyetliligin atap ótti.
Prezident ekologiyalıq baqlawdı kúsheytiwge ayrıqsha itibar qaratты.

Ayrim zavodlardan shıǵarılatuǵın zıyanlı zatlar muǵdarı belgilengen normadan asıp ketpekte. Bul átirap-ortalıqqa zıyan keltirip, puqaralardıń tiykarǵı narazılıǵına sebep bolmaqta.
Usıǵan baylanıslı Ekologiya hám átirap-ortalıqtı qorǵaw mámleketlik komitetine hawanıń pataslanıw dárejesin jedel talqılaw ushın hár bir aymaqtı mobil laboratoriyalar menen támiyinlew tapsırıldı. Ministrler Kabineti Baslıǵınıń orınbasarına bolsa ekologiyaǵa joqarı hám orta dárejede qáwip tuwdıratuǵın 240 iri sanaat kárxanasında zamanagóy jergilikli tazalaw imaratların ornatıw hám bar bolǵanların modernizaciya etiw boyınsha baǵdarlama islep shıǵıw wazıypası júklendi.
Keńeste Ekologiya hám átirap-ortalıqtı qorǵaw mámleketlik komiteti basshılıǵınıń hám wálayat hákimleriniń esabatları tıńlandı.
