Бу қандай амалга ошади?

Жамоавий мурожаатлар портали

Кабинет

Электрон жамоавий мурожаатларни юбориш ва кўриб чиқиш босқичлари

1 босқич

Авторизация ва мурожаатни яратиш

1.1

Умумий маълумот
1. Электрон жамоавий мурожаат (мурожаат) Олий Мажлис палаталари, халқ депутатлари маҳаллий Кенгашларига берилади.
1.2

Порталда авторизациядан ўтиш
2. «Менинг фикрим» веб-портали орқали мурожаат яратиш учун фойдаланувчилар дастлаб Ягона идентификация тизимида (id.egov.uz) авторизациядан ўтиши, сўнгра Асосий саҳифадаги махсус тугмани босиб тегишли жойга мурожаат матнини киритиши лозим.
1.3

5 нафар фойдаланувчининг қўллаб-қувватлаши
3. Яратилган мурожаат Ягона идентификация тизими (id.egov.uz) орқали авторизациядан ўтган фойдаланувчилардан камида 5 нафарига қўллаб-қувватлашлари учун юборилади.

2 босқич

Экспертиза ва электрон мурожаатни жойлаш

2.1

Экспертизага қабул қилиш
1. Агар мурожаат етарли миқдорда овоз тўпласа, унда мурожаат модератор – Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти томонидан экспертизага қабул қилинади.
2.2

Экспертиза
2. Модератор мурожаатни ўрнатилган талабларга мувофиқлигини текшириш учун экспертиза ўтказади. Бунда қуйидаги масалалар кўриб чиқилмайди:
- мавжуд конституциявий тузумни зўрлик билан ўзгартиришга қаратилган даъватлар;
- жамиятнинг маънавий қадриятларига путур етказадиган, фуқароларнинг шаъни ва қадр-қимматини ёки ишчанлик обрўсини поймол қиладиган;
- уруш, зўравонлик, шафқатсизликни тарғиб қилиш, миллатлараро, ирқий, диний адоват, экстремизм, сепаратизм ва фундаментализмни қўзғатиш тўғрисидаги;
- террорчилик ҳаракатларини содир этишга, қонунга мувофиқ жиноий ва ўзга жавобгарликка сабаб бўладиган бошқа хатти-ҳаракатларни содир этишга даъват қилиш тўғрисидаги ва низомда белгиланган бошқа масалалар.
2.3

Нашр этиш
3. Мурожаатга модератор ижобий хулоса бергандан сўнг бир кун ичида мурожаат умумий овоз бериш учун «Mening fikrim» веб-порталида эълон қилинади. Агар мурожаат белгиланган талабларга жавоб бермаса, у рад этилади ва мурожаат муаллифига хабар берилади.

3 босқич

Мурожаатга овоз бериш

3.1

Оммавий муҳокама
1. Умумий овоз бериш мурожаат эълон қилингандан сўнг 90 кун давомида амалга оширилади.
3.2

Зарурий миқдорда овозлар тўплаш
2. Ўзбекистон Республикаси Олий Мажлисининг палаталарига юборилган мурожаат фуқароларнинг камида 10 000 та овозини, Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларига юборилган мурожаат камида 5 000 та овозни, халқ депутатлари туман (шаҳар) Кенгашларига юборилган мурожаат 1 000 та овозни тўплаши зарур.
3.3

Кўриб чиқиш учун юбориш
3. Етарли миқдордаги овозларни тўплаган мурожаат модератор томонидан кейинги кундан кечиктирмай ваколатли давлат органларига юборилади.

4 босқич

Мурожаатни кўриб чиқиш

4.1

Кўриб чиқиш тартиби
1. Ўзбекистон Республикаси Олий Мажлиси палаталари, халқ депутатлари маҳаллий Кенгашларига юборилган мурожаатни кўриб чиқиш ва улар бўйича қарорлар қабул қилиш уларнинг регламентлари билан тартибга солинади.
4.2

Қабул қилинган қарорлар
2. Олий Мажлис палаталари, маҳаллий халқ депутатлари Кенгашлари томонидан мурожаатни кўриб чиқиш натижалари бўйича қарор қабул қилинади ва «Mening fikrim» веб-порталида жойлаштирилади.
4.3

Муддатлар
3. Мурожаатни кўриб чиқиш ва у бўйича қарор қабул қилиш муддати 60 кундан ошмаслиги лозим.

Статистика

22

Қўллаб-қувватлаш жараёнида
6

Экспертиза жараёнида
3

Овоз бериш жараёнида
6791

Барча жамоавий мурожаатлар
29249

Изоҳлар