Created with Highcharts 5.0.4

Барча ёқлаб берилган овозлар сони

Жамоавий мурожаатга овоз бериш учун: 41 кун қолди
Жамоавий мурожаатни улашиш
Банкоматлардан нақд пул маблағларини ечиб олганлик учун белгиланган фоиз ставкаларини пасайтириш ҳақида
Жамоавий мурожаат матни
Ассалому алайкум! Мурожаатим шундан иборатки, ҳозирда фуқаролар учун банкоматлар орқали пластик картадан нақд пул маблағларини ечиш бўйича қулайликлар яратилмоқда. Лекин ҳар бир ходимнинг, давлат хизматчисининг ёки меҳнат фаолияти билан шуғулланаётган бошқа шахсларнинг ойлик маоши ҳисоб-китобида даромад солиғи, жамғариб бориладиган пенсия дафтарчаси ҳисоб варағи бадали ва касаба уюшмасига аъзолик бадали ушлаб қолинади. Ишчига барча солиқ ва бадаллар ушлаб қолинган сумма ойлик маош сифатида берилади. Бугунги кунга келиб, Ўзбекистон Республикасида аксарият иш берувчилар ўз ишчиларига ойлик маошни тўлиғича пластик карта орқали электрон шаклда бериб келмоқда. Мамлакатимизда олдинги йилларга нисбатан электрон тижорат ва электрон пул ўтказмалари анча ривожланганлигига қарамасдан, кундалик турмушимизда нақд пулга бўлган катта эҳтиёж сақланиб қолмоқда. Ўйлаб кўрсак, бир ишчининг ойлик маошидан солиқлар ва бадаллар ушлаб қолиниши билан бир қаторда, ўша ойликни нақд пул кўринишида ечиб олганлик учун банкоматлар томонидан ҳам бир фоизлик тўлов ушлаб қолиниши ҳар қандай кишини ўйга толдирмай қолмайди.
Жамоавий мурожаат / ғоя ни амалга ошириш
Юқоридагиларни инобатга олган ҳолда, банкоматлардан пластик карта орқали нақд пул маблағлари ечиб олинганда ушлаб қолинадиган фоиз ставкасини пасайтиришни таклиф қиламиз.
1042
Изоҳлар (22)
NABIYEV AZIM AKRAMOVICH
Пластик карта қайси банкга қарашли бўлса ўша банкоматларидан ечишни 0% қилиш керак. Агар бошқа банкоматдан ечилса 1%дан кам бўлган ставкада ечилса банлар учун ҳам аҳоли учун ҳам яхши бўларди. Хозирда ички бозорда тўлақонли нақд пулсиз тўлов тизими ривожланмаганлиги сабабли фуқроларга ўзлари ҳалол ишлап топган пулларидан яна уни нақдлаштириш учун ортиқча фоиз тўлаш нотўғри деб ўйлайман. Юқорида SUNNATOV IZZATILLA XAYRULLA O‘G‘LI банклар даромадлари бир қисми банкоматлардан деб изоҳ қолдирибдилар, банклар ўша ойлик маошни шундоқ ҳам нақд беришлари керак аслида, бундан ташқари банклар ушбу банкоматлар орқали ҳалқ ўзлари томонидан топширилган нақд пулни банклардан яна қайтадан фоиз эвазига қайтиб нақдлаштириш бу ахмоқлик деб биламан. Банклар шундоқ ҳам хар бир пул айланмасидан ўзларини даромадларини олишади
24 Май 2022, 15:12
NAZAROV DILSHODBEK SAPARBAYEVICH
Умуман фоизини олиб ташлаш керак. Шундағам солиқлар ва ушланмалар анчагина
17 Май 2022, 16:09
KAMILOV OLIMJON KOZIMDJANOVICH
Ассалому алайкум. Маълум лимитгача текин бўлиши керак. Лимитдан ошса 1 фоиз эмас 0,1 фоиз қўлланса ҳам банк зарар кўрмайди.
13 Май 2022, 17:24
KARIMOV ABDULLAJON SHUXRATOVICH
allaqachon bankomatlarni pulini chiqarishgan.
12 Май 2022, 10:49
ABDURASULOV OBIDJON NIZOMJON O‘G‘LI
foiz stavkasini 0.25 foiz qilsa xammaga qulay bulardi bankga xam xalqga xam
10 Май 2022, 09:50

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси