Created with Highcharts 5.0.4

Барча ёқлаб берилган овозлар сони

Жамоавий мурожаатга овоз бериш учун: 55 кун қолди
Жамоавий мурожаатни улашиш
Магистратура босқичига ҳужжат топширишда чет тили сертификати мажбурийлигини бекор қилиш ҳақида
Жамоавий мурожаат матни
Ўзбекистон Республикасида давлат олий таълим муассасаларининг магистратура босқичига ҳужжат топширишда талабгордан чет тили бўйича етарли билимга эга эканлиги тўғрисида сертификат талаб қилинмоқда. Чет тили сертификатига эга бўлмаган талабгорлар эса шунчаки давлат олий таълим муассасаларининг магистратура босқичига ҳужжат топшира олишмаяпти. Бунинг натижасида аксарият ёшларимиз хорижий олий таълим муассасаларига ҳужжат топшириб, чет эл давлатларига ўқиш учун кетишмоқда. Ўзбекистон Республикаси давлат олий таълим муассасаларининг магистратура босқичига ҳужжат топшириш учун чет тили сертификатини ўзгартириб бўлмас талаб сифатида белгилаш, бироз мантиққа мос келмайди. Чунки чет тили бўйича етарли билимга эга эканлиги тўғрисида сертификатга эга бўлган кадр асосан хорижий олий таълим муассасаларига ўқишга киришга ҳаракат қилади ва бизнинг олий таълим муассасаларига ўқишга кирмайди. Бу эса, ўз навбатида, мамлакатимиз салоҳиятли кадрларининг ўқиш ва ишлаш учун хорижий давлатларга чиқиб кетишига олиб келади. Шуни алоҳида таъкидлаш жоизки, Ўзбекистон Республикаси Конституциясининг 41-моддаси биринчи хатбошига мувофиқ, “Ҳар ким билим олиш ҳуқуқига эга”. Шунингдек, Бош қомусимизнинг 18-моддасида “Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенгдирлар”, деб белгилаб қўйилган. Давлат олий таълим муассасаларининг магистратура босқичига ҳужжат топширишда, талабгордан чет тили бўйича етарли билимга эга эканлиги тўғрисида сертификатнинг талаб қилиниши эса, Ўзбекистон Республикаси фуқаросининг билиш олишга бўлган конституциявий ҳуқуқларини ва ижтимоий адолат принципини бузади. Қолаверса, Конституциямизнинг 4-моддасида Ўзбекистон Республикасининг давлат тили ўзбек тили эканлиги белгиланган. Яъни, мазкур конституциявий нормага асосан, давлат олий таълим муассасаларининг магистратура босқичига ҳужжат топширишда чет тили сертификати фақат қўшимча устунлик бериши мумкин.
Жамоавий мурожаат / ғоя ни амалга ошириш
Юқоридагилардан келиб чиққан ҳолда, Ўзбекистон Республикасида давлат олий таълим муассасаларининг магистратура босқичида ўқиш истаги бўлган барча талабгорларни имтихон асосида ўқишга қабул қилишни ҳамда чет тили бўйича сертификатни фақатгина қўшимча устунлик сифатида белгилашни таклиф қиламиз.
903
Изоҳлар (25)
XOLBUTAYEV SHOKIR RADJABOVICH
Magistratura qabul talabiga til sertifikati juda muhim deb hisoblayman chunki magistrant tilni bilmasdan qanday ilmiy asosini bugungi zamon bilan qiyoslaydi, magistr akademik darajasiga ega hisoblanadi
30 Сентябрь 2022, 01:36
KARIMOV ISLOMBEK TEMIROVICH
Menimcha chet tili sertifikati bo‘yicha 2-darajada chunki O‘ziga tegishli bo‘lgan sohani bilmasa va unda bilimi yetarli darajada bo‘lmasa chet tili bo‘yicha sertifikati nimaga kerak magistratura darajasi nimani o‘rgatadi-yu chet tillari bo‘g‘lash nimani o‘zgartiradi bunisiga haligacha tushunmadim. To‘g‘ri til muhim lekin ingiliz tillari roli nimada mabimcha ish joyidan kerakli kadr uchun iltimosnomami shu maqsadga mofiq masmi deb o‘ylayman
22 Сентябрь 2022, 20:02
ABDULAXATOV HUSAN ABDUMURAD O‘G‘LI
Chet tili sertifikati bo'yicha rus tili ham qo'shish kerak magistratura bosqichiga
14 Сентябрь 2022, 08:24
ABDULAXATOVA AZIZA ISMATULLA QIZI
Magistratura topshirishda til sertifikati bo'yicha rus tili sertifikatini qo'shish darkor.
14 Сентябрь 2022, 08:22
ABDULAXATOV XASAN ABDUMURAD O‘G‘LI
Magistraturaga qabul kvotasiga rus tili sertifikatini ham qo'shish kerak.
14 Сентябрь 2022, 08:20

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси