Барча ёқлаб берилган овозлар сони
Тўпланиши лозим бўлган овозлар сони: 10000
Овозлар етарли эмас
Description not enough votes
Магистратура босқичига ҳужжат топширишда чет тили сертификати мажбурийлигини бекор қилиш ҳақида
- Йўналиш:Маданият ва спорт
- Сана:2022-06-14 15:46:17
- Муаллиф:UMAROV SUKHROB RAXIMJON O‘G‘LI
Жамоавий мурожаат матни
Ўзбекистон Республикасида давлат олий таълим муассасаларининг магистратура босқичига ҳужжат топширишда талабгордан чет тили бўйича етарли билимга эга эканлиги тўғрисида сертификат талаб қилинмоқда. Чет тили сертификатига эга бўлмаган талабгорлар эса шунчаки давлат олий таълим муассасаларининг магистратура босқичига ҳужжат топшира олишмаяпти. Бунинг натижасида аксарият ёшларимиз хорижий олий таълим муассасаларига ҳужжат топшириб, чет эл давлатларига ўқиш учун кетишмоқда. Ўзбекистон Республикаси давлат олий таълим муассасаларининг магистратура босқичига ҳужжат топшириш учун чет тили сертификатини ўзгартириб бўлмас талаб сифатида белгилаш, бироз мантиққа мос келмайди. Чунки чет тили бўйича етарли билимга эга эканлиги тўғрисида сертификатга эга бўлган кадр асосан хорижий олий таълим муассасаларига ўқишга киришга ҳаракат қилади ва бизнинг олий таълим муассасаларига ўқишга кирмайди. Бу эса, ўз навбатида, мамлакатимиз салоҳиятли кадрларининг ўқиш ва ишлаш учун хорижий давлатларга чиқиб кетишига олиб келади. Шуни алоҳида таъкидлаш жоизки, Ўзбекистон Республикаси Конституциясининг 41-моддаси биринчи хатбошига мувофиқ, “Ҳар ким билим олиш ҳуқуқига эга”. Шунингдек, Бош қомусимизнинг 18-моддасида “Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенгдирлар”, деб белгилаб қўйилган. Давлат олий таълим муассасаларининг магистратура босқичига ҳужжат топширишда, талабгордан чет тили бўйича етарли билимга эга эканлиги тўғрисида сертификатнинг талаб қилиниши эса, Ўзбекистон Республикаси фуқаросининг билиш олишга бўлган конституциявий ҳуқуқларини ва ижтимоий адолат принципини бузади. Қолаверса, Конституциямизнинг 4-моддасида Ўзбекистон Республикасининг давлат тили ўзбек тили эканлиги белгиланган. Яъни, мазкур конституциявий нормага асосан, давлат олий таълим муассасаларининг магистратура босқичига ҳужжат топширишда чет тили сертификати фақат қўшимча устунлик бериши мумкин.
Жамоавий мурожаат / ғоя ни амалга ошириш
Юқоридагилардан келиб чиққан ҳолда, Ўзбекистон Республикасида давлат олий таълим муассасаларининг магистратура босқичида ўқиш истаги бўлган барча талабгорларни имтихон асосида ўқишга қабул қилишни ҳамда чет тили бўйича сертификатни фақатгина қўшимча устунлик сифатида белгилашни таклиф қиламиз.
Изоҳлар (45)
AXMATOV FARRUX AXATOVICH
Til bilish bu-biror bir jabhalarda insonlar taqdirini hal qilishi bu juda xunuk holat. Kim tilni bilsa uning o'zi uchun foyda. Shuning uchun biror bir oliy ta'limni biror bir chel el tiliga bog'lab quyish bu adolatdan emas. Tarixdan ma'lumki bizni o'zbek tilimizni ulug'lanishiga qarshi ko'plab qarshiliklar bo'lgan. Bundan ko'rinib turibdiki oldin o'zimizni ona tilimizni yuksaklikka ko'tarish vaqti kelganiga ancha vaqti o'tmoqda. Shuning uchun ham bu mantiqsiz talabni olib tashlash va yoshlarni o'z huquqlari va bilim olish istaklaridan kelib chiqqan holda talablar rasmiylashtilisa yaxshi bo'lardi. Har xil keraksiz talablar yosh avlodni huquqlarini chegaralab qoymoqda.
9 Январь 2025, 10:46
AXMATOV FARRUX AXATOVICH
Til bilish bu-biror bir jabhalarda insonlar taqdirini hal qilishi bu juda xunuk holat. Kim tilni bilsa uning o'zi uchun foyda. Shuning uchun biror bir oliy ta'limni biror bir chel el tiliga bog'lab quyish bu adolatdan emas. Tarixdan ma'lumki bizni o'zbek tilimizni ulug'lanishiga qarshi ko'plab qarshiliklar bo'lgan. Bundan ko'rinib turibdiki oldin o'zimizni ona tilimizni yuksaklikka ko'tarish vaqti kelganiga ancha vaqti o'tmoqda. Shuning uchun ham bu mantiqsiz talabni olib tashlash va yoshlarni o'z huquqlari va bilim olish istaklaridan kelib chiqqan holda talablar rasmiylashtilisa yaxshi bo'lardi. Har xil keraksiz talablar yosh avlodni huquqlarini chegaralab qoymoqda.
9 Январь 2025, 10:46
XAITBAYEV XAMZA ATAXANOVICH
Магистратурага укишга кирувчидан чет тили буйича сертификат талаб килиш, бу нотугри булса керак. Нега уз она тилимизни кай даражада эгаллаганлигимиз тугрисида сертификат сурамайдилар? Ёки биз уз она тилимизни сув килиб ичворганмизми? Шунинг учун сурашмасалар керак! Нима, магистратурани инглиз тилида укитмокчими? Тил билган яхши, албатта канча тилларни ургансак шунча узимизга фойдаси тегади, чунки купчилик эски ва замонавий илмий ва бадиий асарлар инглиз ва рус тилларида чоп килинган. Тилларни урганиб, шу асрларни укиб ургансак булади. Бунинг учун олий таълим муассасалари ва урта таълим мактаблари укитувчиларидан узларининг укитаётган тиллари буйича (айнан) IELTS сертификатини олишларини талаб килиш керак ва уларга эгаллаган даражасига караб дарслик соатлари ажратиш керак. Бакалавр таълим тизимида хам чет тилларини укитишни йулга куйишимиз керак. Ана ундан кейин магистратурага укишга кирувчилардан сертификат сурасак тугрирок булармиди?
17 Сентябрь 2023, 16:09
OBIDJONOV ABDUXAMID ULUG‘BEK O‘G‘LI
Davlat oqishlarinig hammasiga sertifikatni 1 xil qilib qoyishlik menimcha togri bolmaydi.
O'z ustida ishlayotganlarga magistr yonalishiga kirishiga qandaydir biroz yengillik berilsa shunda to'g'ri bo'ladi deb o'ylayman!
12 Март 2023, 10:15
ANVAROV TURDIMUROD ANVAROVICH
Chet tilini bilish sertifikati yo'q, lekin juda zo'r bilimga ega ham sohasi bo'yicha ishlayotgan mutaxassislar chetda qolib ketyapti. Talabni bekor qilish kerak, deb o'ylayman. Sertifikat chet tili bilan bog'liq sohalar uchun talab qilinishi ma'qul yoki oliy ta'limda o'qish davomida chet tilini o'zlashtirib olish imkonyatini berish maqsadga muvofiq bo'lardi.
15 Февраль 2023, 18:57
Яна кўрсатиш
Изоҳ қолдириш
Изоҳ қолдириш учун id.egov.uz тизими орқали рўйхатдан ўтишингиз лозим
1253