Тошкент метрополитени бекатларида кундан-кунга янги қулайликлар яратилмоқда. Ундан ёш-у қари доимий равишда фойдаланмоқда. Барчамизга маълумки, болалар ўйинқароқлиги натижасида ёки ёши катталар эҳтиётсизлиги натижасида релсларга тушиб кетиши ҳолатлари кузатилади. Йўловчилар гавжум бўлган вақтларда метрополитенда уларнинг доимий назоратини таъминлаш мушкулдир. Уларнинг хавфсизлигини таъминлаш учун зарур чоралар кўриш керак.

Амударё тумани Қипчоқ шаҳарчасида Амударё устидан кўприк қурилиши туманнинг икки юз минг аҳолиси ва Хоразм вилояти аҳолисига анча қулайликларни яратади. Ҳозирги вақтда фойдаланиб келинаётган “пантон” кўприк хавфсизлик талабларига тўлиқ жавоб бермайди. Ҳар куни кўплаб ҳаракатланувчилар ушбу кўприк орқали ўтишади. Дарёда сув кўпайса ёки камайса, пайвандланган жойлари бузилса, кўприк ишида узилишлар содир бўлади. Аҳоли кўприкнинг ишлаб кетишини соатлаб кутиб ўтиришига тўғри келади, баҳорда муз эриганда кўприкдан фойдаланиш бир неча кунга тўхтаб қолади. Аҳоли учун йўлкира ҳаққи ҳам ошиб кетади. Кўприк фаолияти учун ишчилар, таъмирлаш ишлари учун ҳам анча маблағ сарфланиб ...

Туризм мамлакатимизда жадал ривожланиб бораётган соҳалардан бири ҳисобланади. Президентимизнинг ташаббуслари билан бу соҳада амалга оширилаётган ишлар таҳсинга сазовор. Туристик маконларнинг жозибадорлигини ошириш учун инфратузилмалар ҳам ажойиб бўлиши керак. Ҳозирги кунда жаҳоннинг турли жойларида шаҳарларни тепадан томоша қилиш имконини берадиган дор йўллари (канатнқе дороги) мавжуд. Бу туристлар оқимини яна ҳам оширишга хизмат қилади. Қолаверса, кексаларимиз ҳам зиёратга келса, машинадан тушиб то зиёратгоҳларга келгунча чарчаб қолаётганини кўп кузатганмиз. Дор йўли ҳам бир транспорт кабидир. Ундан фойдаланиш кўпгина енгилликларни ва ажойиб таассуротларни олиб келади.

Ҳозирги кунда юртимизда барча соҳаларда туб ўзгаришлар бўлмоқда, давлатимиз раҳбари томонидан соғлиқни сақлаш тизимига катта эътибор қаратилиб, ривожлантириш бўйича чоралар кўрилмоқда. Лекин, соҳада айрим камчиликлар сақланиб қолмоқда. Бу камчиликлардан бири беморларга дорилар рецептини шифокорлар томонидан жуда ҳам ноаниқ ва тушунарсиз тарзда ёзилишидир. Шифокорларнинг бу масалага совуққонлик билан қараши, масъулиятсизлиги оқибатида баъзи ҳолларда дори воситасини харид қилиш ва қўллашда кўнгилсиз ҳолатларга сабаб бўлмоқда. Соғлиқни сақлаш вазирлиги томонидан дори воситалари рецептини бериш тартиби ишлаб чиқилган, лекин бу тартибга етарлича амал қилинмаяпти. Берилган рецептларнинг тасдиқланмай, тушунарсиз тарзда ифодаланиши фуқаролар саломатлигига жавобгарлик ҳиссининг ...

Бугунги кунда вилоят ва туманларимизда қишлоқ хўжалигида қўлланилаётган техникалар, хусусан, трактор ва комбайнларнинг ҳаракати билан боғлиқ муаммолар талайгина. Яъни, айрим тиркамали тракторлар (тележка)нинг махсус чироқларининг умуман носозлиги тунги вақтларда хавф-хатарларни юзага келтирмоқда. Бу ҳолат, айниқса, ғалла ва пахта йиғим-терими мавсумида кўпаяди. Ҳеч қандай чироқ ёки стоп белгилари билан жиҳозланмаган тракторлар ва қишлоқ хўжалиги техникалари сабабли пиёдаларга ва бошқа транспорт воситаларига тунги вақтда хавф туғдиради.

Юртимизда амалга оширилаётган ислоҳотлар фуқароларнинг давлатга бўлган ишончини янада ошишига хизмат қилмоқда. Ислоҳот ва ўзгаришлар қилиниши лозим бўлган яна бир масала, бу ҳам бўлса уй-жойга навбатларнинг шаффофлиги билан боғлиқ масаладир. Ҳозирги кунда республикамизнинг барча ҳудудларида ёш оилалар, аҳолининг турли қатламлари учун янги турар-жой комплекслари барпо этилмоқда. Ана ўша уй-жойларга навбатларнинг шаффофлиги таъминланмаган. Натижада навбатларнинг сунъий ўзгариши, ортиқча оворагарчиликлар, ҳокимият биноларига қатнаб асабийлашиш каби ҳолатлар барчанинг дилини ҳира қилмоқда.

Ҳозирда кўплаб соҳаларда фуқаролар учун қулайликлар яратилиб, кундан-кунга ҳаётимиздан бизни қийнаётган муаммолар чиқиб кетмоқда. Бироқ яна бир эътибор қаратилиши лозим бўлган долзарб масала бор. Бу – коммунал соҳа билан боғлиқ. Менинг назаримда, коммунал тўловлардаги қўшиладиган пеняларни бекор қилиш керак. Агар тўлов муддати ўтиб кетса, марҳамат, суд орқали ёки Мажбурий ижро бюроси томонидан огоҳлантирилсин ва ундирилсин. Тўлов эртами-кечми, барибир, ундирилади. Ахир, асосий қарзни ўз вақтида тўлай олмаётган, молиявий қийинчиликлар гирдобида қолган одам пеняни қандай тўласин. Тўғри, ҳар куни биз коммунал хизматлардан фойдаланамиз, ҳаётимиз улар билан бевосита боғлиқ. Бироқ, инсонда молиявий ...

Барча коммунал тўловларни ўз вақтида тўлаш, амалдаги баланс, фойдаланиш шартлари ва янгиликларни билиб бориш имкониятини берадиган “Mening uyim” мобил иловасини яратиш керак. Ушбу мобил илова орқали фуқаро ўз ҳисобига тўловларни эркин равишда тўлаши, қарздорлик ҳолати ҳақида мунтазам равишда хабардор бўлиб туриши мумкин бўлади. Шунда истеъмолчилар пеня каби ортиқча тўловларни тўлашга мажбур бўлишмайди.

Ўзбекистон Республикаси ҳозирги кунда шиддат билан ривожланиб, ҳар соҳада ҳавас қилса арзигулик натижаларга эришилмоқда. Аҳоли сони кундан-кунга ошиб, йўловчиларни ташиш, жумладан, ҳаво транспортидан фойдаланишга бўлган эҳтиёж ортиб бормоқда. Ўтган давр мобайнида мамлакатимизда фуқаро авиациясини ривожлантириш, шу жумладан ҳаво кемалари паркини янгилаш, парвозларнинг юқори даражадаги хавфсизлигини таъминлаш, аэропортлар инфратузилмасини ва малакали мутахассислар тайёрлаш тизимини такомиллаштириш бўйича изчил чоралар амалга оширилди. Айни пайтда юқори малакали ва бой тажрибага эга бўлган учувчилар, стюард ва стюардессаларга, инжинер-механикларга талаб юқори.

Наманган вилояти марказига чекка туманлардан қатнаб ўқийдиган талабалар ва ишлайдиган ходимлар жуда кўп. Ушбу ҳолат эса бугунги кунда автомобилларнинг тирбандлиги ва вилоят марказида ижара нархларининг қимматлашуви каби қатор ноқулайликларга сабаб бўлмоқда. Ҳозирда туман марказларида ҳам олий таълим муассасаси филиалларининг фаолиятини ташкил этиш учун етарлича шароитлар мавжуд. Касб-ҳунар коллежлари ёки академик лицейлардан бўшаган бино ва иншоотлардан фойдаланиш мумкин. Наманган вилоятининг Чуст шаҳрида Тошкент давлат техника университети, Наманган давлат университети ёки Наманган муҳандислик-қурилиш институтининг филиалларини очиш мумкин. Бу Поп, Чуст, Мингбулоқ, Косонсой, Тўрақўрғон ва бошқа яқин туманлардаги, қолаверса, Фарғона вилоятининг ...

Республикамизда пиёдалар иштирокида кўплаб йўл транспорт ҳодисалари содир бўлаётганлигини эътиборга олган ҳолда республика аҳамиятидаги автомобиль йўлларининг аҳоли яшаш жойларидан ўтган қисмини ёритиш чораларини кўришни таклиф қиламан. Чунки республика аҳамиятидаги вилоятлараро автомобиль йўлларида транспорт воситаларининг ҳаракат тезлиги юқори бўлиб, бу пиёдаларга катта хавф туғдиради.

Тошкент шаҳрида 83 та талабалар ётоқхонаси мавжуд бўлиб, 21.169 минг талабани қабул қилиб, яна 21 мингдан зиёд талабалар учун турар-жойга эҳтиёж мавжуд. Ҳар янги ўқув йилидан ётоқхонага жойлашиш муаммоси уларни қийнаб келади. Ётоқхона низомига кўра, талабалар ётоқхонага жойлашиш учун ариза топширишади. Олий таълим муассасасининг ички комиссияси томонидан эҳтиёжманд талабаларгагина ётоқхона ажратилади. Баъзида маҳалладан кам таъминланганлиги ҳақида маълумотнома ҳам талаб қилинади. Агар талаба Тошкент вилоятида истиқомат қилса, унга ётоқхонадан жой ажратилмайди, сабаби у уйидан қатнаб ўқиши мумкинлигини важ қилиб кўрсатилади. Натижада, кўплаб талабаларнинг ижарада яшашига тўғри келади. Ижарага маъқул нархларда ...

Хорижий сайёҳлар юртимизга келиб, аэропорт ёки вокзаллардан чиққанида жуда хунук ҳолатлар кўзга ташланади. Кўплаб ҳайдовчиларнинг меҳмонларни ўраб олиб, улардан қаёққа боришларини сўраб, юкларини тортиб кетишлари каби салбий ҳолатлар ташриф буюрувчиларни ноқулай аҳволга солиб қўяди. Шу билан биргаликда, аксарият такси хизматлари талаб даражасида бўлмай, сифатсиз хизмат кўрсатишади. Бундай ҳолатлар юртимизга ташриф буюрувчиларда ёмон таассурот қолдириши, унинг имиджига салбий таъсир кўрсатиши табиий.

Самарқанд вилояти, Ургут туманида Самарқанд иқтисодиёт ва сервис институтининг ёки республикамиздаги бошқа бизнес ва менежментга ихтисослаштирилган олий таълим муассасасининг филиалини ташкил этиш керак. Бугунги кунда Ургут туманида 500 (беш юз) мингга яқин аҳоли истиқомат қилади. Президентимиз ташаббуси билан туманда “Ургут” эркин иқтисодий зонаси ташкил этилиб, ҳозирда туманда кўплаб хорижий ва маҳаллий инвесторлар томонидан қўшма корхоналар ташкил этилмоқда. Бу корхоналарни юритиш учун менежмент, бухгалтер, аудиторлик йўналишидаги олий маълумотли кадрларга эҳтиёж бор. Шунингдек, туманда олий таълим муассасасининг филиалини ташкил қилиш учун имкониятлар етарли.

Санъат соҳаларининг ўзаро уйғунлиги ва ҳамкорлигига эришиш мақсадида барча санъат олийгоҳларини бир таълим масканига бирлаштириш лозим. Театр, мусиқа, рассомлик йўналишидаги олий таълим муассасаларининг кўплиги ва улар ўртасида ўзаро ҳамкорликнинг сустлиги Ўзбекистон санъат соҳаларининг савиясига ва келажагига салбий таъсир қилмоқда. Масаланинг иккинчи томони шундаки, ҳар йили бу олий таълим муассасаларини тугатаётган мутахассислар ўз соҳаси бўйича иш топиш муаммосига дуч келишади. Институтларнинг бирлашиши эса етишиб чиқадиган мутахассисларнинг сифатига ижобий таъсир қилиб, ўлмас, дурдона санъат асарларининг яратилишига, санъат таълимида ягона марказлашган бошқарувнинг жорий этилишига, жаҳон миқёсида ўз мавқеи ва ўрнига эга бўлган ...

Абу Али ибн Сино бобомиз жаҳон тиббиёт фани ривожига тамал тошини қўйган, унинг бугунги ривожи учун барча назарий ва амалий асосларни яратган олим сифатида бутун дунёга маълум. Ҳаттоки, бугунги кундаги мураккаб жарроҳлик амалиётлари ва даволаш жараёнлари Ибн Синонинг кўрсатмаларига асосланган ҳолда ўтказилади. Дунёнинг энг ривожланган мамлакатларидаги тиббиёт таълим муассасаларида бобомизга алоҳида эътибор кўрсатилиб, эъзозланади.

Электр энергиясидан фойдаланиш қоидаларига мувофиқ, маиший истеъмолчилар истеъмол қилган электр энергияси учун қарздор бўлганда, тўлов муддати ўтган ҳар бир кун учун тўлов суммасининг қонун ҳужжатларида белгиланган миқдорда пеня тўлайдилар. Ортиқча пул тўлаб қўйган истеъмолчиларга-чи? Уларга ҳеч қандай имтиёзлар йўқ! Олдиндан ортиқча пул тўлаган истеъмолчиларга ҳам бонуслар ёки имтиёзлар тизимини жорий қилиш керак.

Бугун юртимизда барча жабҳаларда янги ғоя ва ташаббуслар илгари сурилмоқда. Жорий этилаётган инновацион лойиҳалар натижасида янги имконият ва қулайликлар яратилмоқда. Хусусан, ҳаракат хавфсизлигини таъминлаш мақсадида ҳам кўплаб янгиликлар жорий этилмоқда. Ушбу соҳани янада ривожлантириш ва фуқароларга қулайликлар яратиш мақсадида қўшимча пул тўлаш асосида автомобиль эгасининг исми ёки у томонидан таклиф қилинган сўз (ном) туширилган авторақамларни жорий қилишни таклиф қиламан. Аксарият ривожланган давлатларда ушбу амалиёт мавжуд. Мазкур турдаги авторақамларни сотиш давлат бюджетига ҳам маблағларни туширишга хизмат қилади. Асосийси, аксарият ҳолатларда йўл ҳаракат қоидаларини қўпол тарзда бузиш ёки эҳтиётсизлик натижасида пиёдани ...

Нурафшон шаҳри 2017 йилдан буён Тошкент вилоятининг маъмурий марказидир. Бугунги кунда собиқ Тўй-тепа шаҳри негизида замонавий, Марказий Осиёдаги илк “ақлли шаҳар” (smart city)ни қуриш ишлари бошлаб юборилган. Шаҳарнинг иқтисодиёти бугун жадаллик билан ривожланмоқда. Ҳозирда Нурафшонга вилоятнинг барча бошқармалари, корхоналари ва ташкилотлари кўчирилмоқда. Ҳозирги кунда шаҳарда жами 13 та умумтаълим мактаби, 1 та коллеж мавжуд бўлиб, 45.000 мингга яқин аҳоли истиқомат қилувчи 22 та маҳалла фуқаролар йиғини бор. Замонавий ахборот технологияларидан хабардор бўлган ёш авлодни тарбиялаш ва Нурафшон шаҳрининг нуфузини янада ошириш мақсадида олий таълим муассасасини ташкил этиш лозим. Бу орқали ...

Бухара – туристический город. Многие туристы совершают экскурсии на велосипедах. Поэтому в одном из самых привлекательных городов Великого шелкового пути, в Бухаре, необходимо создать развитую сеть велодорожек для проведения экскурсионных туров на велосипедах. Улицы и тротуары города Бухары достаточно широкие, что позволяет создать на них велодорожки с учетом интересов всех участников дорожного движения – пешеходов, велосипедистов и автомобилистов.