«Mening fikrim» веб-порталига фуқаро Набиев Нeъматулла Хамидуллаевичнинг "Таълим тизимини тўлиқ 5 кунлик ўқиш ва иш тартибига ўтказиш ҳақида"ги 375-s-p/24-сонли электрон жамоавий мурожаати 2025 йилнинг 28 март кунидан 3 апрел кунига қадар 10 мингдан ортиқ овоз тўплашга эришди.

Низом талабларига мувофиқ, 10 мингдан ортиқ овоз тўплаган ушбу мурожаат тегишли ваколатли давлат органи - Вазирлар Маҳкамасига юборилди. «Mening fikrim» веб-портали орқали электрон жамоавий мурожаатлар бериш ва уларни кўриб чиқиш тартиби тўғрисидаги Низомнинг 35-бандига мувофиқ, тегишли ваколатли давлат органи мурожаатни кўриб чиқиб, асослантирилган қарор қабул қилиши белгиланган. 

Мурожаатни кўриб чиқиш жараёни бошланган бўлиб, натижаси ҳақида қабул қилинган қарор белгиланган тартибда «Mening fikrim» веб-порталида эълон қилинади.