Бугун ташриф доирасида пойтахтимизнинг “International Hotel Tashkent“ меҳмонхонасида Ўзбекистон – Бирлашган Араб Амирликлари бизнес-форуми ташкил этилди.

Бизнес форумнинг очилишида Ўзбекистон Республикаси Бош вазири ўринбосари, Инвестициялар бўйича давлат қўмитаси раиси Суҳроб Холмуродов, савдо-саноат палатаси раиси Адҳам Икрамов, Бирлашган Араб Амирликлари савдо-саноат палатаси раиси ўринбосари Иброҳим ал Маҳмуд ва бошқалар сўзга чиқди.

Тадбирда мамлакатимиз вазирлик ва идоралари раҳбарлари, вилоят ҳокимликлари, “Ўзбекэнерго“ АЖ, “Ўзбекнефтгаз“ АЖ, “Ўзқурилишматериаллари“ АЖ, “Ўзэлтехсаноат“ АК, “Ўзбекозиқовқатхолдинг“ ХК, “Ўзагротехсаноатхолдинг“ ХК ва БАА савдо-саноат палатаси, етакчи компаниялари вакиллари иштирок этмоқда.

Айни вақтда бизнес-форум давом этмоқда .