Ишонч телефонлари фуқаролар дуч келиши мумкин бўлган муаммоларини бартараф этишларида қулай воситалардан биридир. Шундай экан, улардан фойдаланишни янада қулайлаштириш мақсадга мувофиқ бўлар эди. Шу кунларда, биз мурожаат қилаётган ишонч телефонлари нега ишламаяпти, нега уларга ҳеч ким жавоб бермаяпти, нега бошқа манзилга тушаяпмиз қабилидаги саволлар барчани ўйлантираётгани рост. Соғлиқни сақлаш, таълим, истеъмолчиларнинг ҳуқуқларини ҳимоя қилиш тизимларида, шунингдек, ҳуқуқни муҳофаза қилиш органларида ишонч телефонларига жавоб берувчи мутахассисларни кўпайтириш зарур. Барча ишонч телефон рақамларини ўзида мужассамлаштирган интернет сайти яратилганида, биз мурожаат йўлламоқчи бўлган муассасанинг ишончли рақамини топишимиз осон бўлар эди. Бундан ташқари, ...

Ўртачирчиқ туманидан Қўйлиқ бозоригача бўлган йўлда тирбандлик (Бектемир пости-Қўйлиқ) эрталабдан кечгача давом этади. Тошкент вилоятидан Тошкент шаҳрига кириб келадиган автомобиллар жуда кўп. Шунингдек, шаҳарга келиб ишлайдиган инсонларнинг сони ҳам кўп. Аҳоли бошига тушаётган шу ва бошқа муаммолар (Бектемир постидан Қўйлиққача автомобил йўлининг жуда торлиги)ни бартараф этиш мақсадида Чирчиқ дарёси устида Қўйлиқ бозорига ва кейинчалик шаҳарга киришни таъминлайдиган кўприк қурилиши (бу билан боғлиқ яна бир автомобил йўли ёки эски мавжуд йўлларни кенгайтириш) мақсадга мувофиқ бўлар эди.

Бугунги кунда маҳаллий кенгашлардаги депутатлар ўз вазифаларини тўлиқ бажармайдилар. Шунинг учун, аҳолининг кўпчилиги маҳаллий кенгашларнинг депутатлари сайловига унчалик катта қизиқиш билдирмайди. Чунки, уларнинг фаолияти натижаларини кўриб бўлмайди. Аслида, энг кўп ишлаши лозим бўлган ва халқ билан энг яқин мулоқотга киришадиган вакиллар маҳаллий кенгашларнинг аъзолари бўлишлари керак. Шу сабабли, халқ депутатлари маҳаллий кенгашлари депутатларининг фаолият рейтингини жорий этиш мақсадга мувофиқ бўлади. Бу орқали уларнинг иш самарадорлиги ошган бўлар эди.

Открыть спортивно тренировочную базу по стрельбе из лука в г.Нукус. Спорт это неотъемлемая составляющая жизни человека, обеспечивающая необходимую активность. Именно этот вид спорта всячески способствует гармоничному развитию человека, и в особенности это важно в молодом возрасте.

Тошкент шаҳри аҳолисига қулайликлар яратиш мақсадида “Ақлли шаҳар” (Умный город) концепциясига қўшимча тарзда турли фавқулодда вазиятли холатларда қўнғироқ қилинадиган телефон рақамларини (101, 102, 103, 104) ягона рақамга бирлаштиришни таклиф қиламан. Негаки, фавқулодда вазиятли (авария, ёнғин, бетоблик, ис гази чиқиши каби) ҳолатларда одамнинг ўзини йўқотиб қўйиши натижасида рақамларда адашиш ёки тегишли рақамни ёддан чиқариб бир неча ташкилотларга қўнғироқ қилиши ва вақт йўқотишига сабаб бўлмоқда. Ягона рақамга қўнғироқни амалга ошириш уч тилда сўзлай оладиган оператор хизматидан фойдаланишни таъминлаб, операторнинг фуқародан авария тафсилотларини аниқ ўрганиши, замонавий технологиялардан фойдаланган ҳолда, буюртма қабул қилиш ...

Олий ва ўрта махсус таълим тизимида ўқитувчиларга тоифа бериш тизимини қайта кўриб чиқиш лозим. Чунки 1998 йилгача берилган олий тоифалар қолдирилиб, ундан сўнг олий тоифа олган ҳамма ўқитувчилардан уларнинг иш фаолиятини таҳлил қилмасдан уларнинг тоифаларини олиб ташлашган. Ваҳоланки, олий тоифани олиш учун катта меҳнат қилинади. Масалан, олий тоифани олиш учун тиббиёт йўналишида ўрта махсус таълим соҳасида ўқув адабиётлари, ўқув қўлланмалар, электрон китоблар, ўқув-усулбий мажмуа ва мақолалар тайёрлаб, чоп эттириш талаб этилар эди. Бироқ ҳозирги кунда олий тоифаси олиб ташланган кўп йиллик иш тажрибасига эга бўлган ўқитувчиларнинг ойлик маошлари ва ...

Ўзбекистон Республикаси ҳудудида тиббий асбоб-ускуналарни сотувчи фирмалар кўп эмас, уларга хизмат кўрсатувчи фирмалар эса деярли йўқ. Чунки Ўзбекистонда тиббий асбоб-ускуналарни таъмирлашни ўргатувчи ўқув курслари ташкил этилмаган. Тиббиёт муассасаларидаги тиббий асбоб-ускуналарга хизмат кўрсатувчи (таъмирловчи)лар бор, лекин улар кичик ускуналарни таъмирлашни билади, холос. Ҳозирда кўплаб тиббий техникалар бузилиб, таъмирланмасдан эскириб кетмоқда ва уларнинг ўрнига янги аппаратларни сотиб олиш учун пул ва вақт сарфланмоқда. Бир аппаратни таъмирлайман дегунча беморлар сарсон бўлишмоқда.

Бугунги кунда пойтахт йўлларида жуда кўп транспорт воситалари ҳаракатланмоқда. Аммо пойтахтнинг айрим кўчалари кўп миқдордаги транспорт воситалари оқимини қабул қилишга мўлжалланмаганлиги сабабли доимий равишда тирбандликлар вужудга келмоқда. Жумладан, ушбу ҳолат халқ орасида “Шухрат” чорраҳаси номи билан машхур бўлган Чилонзор туманининг Кичик халқа автомобиль йўли кесишмасида доимий кузатиб келинмоқда.

Тошкент шаҳри аҳолисининг сони йил сайин ошиб бораётгани сабабли пойтахтимизда ҳаракатланаётган автотранспорт воситаларининг сони ҳам сезиларли даражада ортиб бормоқда. Табиийки, автотранспорт воситалари сонининг ошиши йўлларда, айниқса, чорраҳаларда катта тирбандликларни вужудга келтирмоқда. Бундай ҳолатларда янги кўприк ва йўл ўтказгичларни қуриш ҳисобига автотранспорт воситаларининг ҳаракатланиши билан боғлиқ муаммолар ўз ечимини топади. Чилонзор тумани Бунёдкор шоҳ кўчаси ва Қатортол 2, Дўмбиробод 4-тор кўчалари кесишмасидаги чорраҳада автомобиллар қатновининг зичлиги ҳамда пиёдаларнинг серқатновлиги сабабли катта тирбандлик вужудга келиб, давлат йўл ҳаракати хавфсизлиги хизмати ходимларининг аралашувига қарамай тирбандлик билан боғлиқ муаммолар ўз ечимини топмай қолмоқда. ...

Бугунги кунда йўлларимизда жуда кўп фоторадарлар ўрнатилган. Давлат йўл ҳаракати хавфсизлиги хизмати ходимлари яширинган ҳолда фоторадар қўйиб тартиббузар ҳайдовчиларни тўхтатишади ва протокол тузишади. Ушбу жараённи Давлат йўл ҳаракати хавфсизлиги хизмати ходимлари томонидан жойида протокол тузиш орқали эмас, протокол тузиб, уни ҳам онлайн расмийлаштириб, жаримани электрон тарзда юбориш амалиётини жорий этиш зарур. Бу усул ҳайдовчилар ва ЙҲХХ ходимлари вақтини тежайди, турли ноқулайликлар ва тортишувлар олдини олади.

Сўнгги йилларда пойтахтимизнинг Сергели тумани аҳолиси кескин ошиши билан бирга Сергели туманини шаҳар маркази билан боғлайдиган йўлларда тирбандликлар юзага келаётганлиги жиддий муаммо бўлиб қолмоқда. Шу муаммоларнинг ечими сифатида ҳам камхарж, ҳам қулай инфраструктура тизими, ҳам жозибадор инвестиция муҳитини яратиш мақсадида 2 та таклифни илгари сураман. Биринчи таклифим: ҳозирда барпо этилаётган Сергели метро йўлининг икки томонидан параллел равишда Олмазор метро бекатигача автомобиль йўлини барпо этиш (бу метро йўлига 20 метргача яқин ҳудудда бошқа қурилишлар мумкин эмаслигини инобатга олсак, автомобиль йўли айни муддао бўлади). Иккинчи таклиф эса Чўпонота кўчасини Сергели туманида ...

Аҳолини тиббий билим ва маданиятини ошириш энг долзарб масалалардан биридир. Соғлом юрт вакиллари давлатни қудратли қилади. Аҳолимиз тиббий маданияти кун сайин ортиб бормоқда. Лекин шунга қарамай ҳанузгача баъзи жойларда аҳолимизнинг тиббиёт соҳасига оид билимлари етарлича эмаслиги кўзга ташланмоқда (гарчи бу борада кўп ишлар қилинаётганлигига қарамасдан). Масалан, касалликларни келиб чиқиш сабаблари ва уларнинг профилактикаси, оқибатлари, керак бўлганда беморга тез тиббий ёрдам ходимлари етиб келгунча бўлган вақтда ёки стационаргача бўлган даврда зарурий тиббий ёрдам кўрсата олишни ҳар бир фуқаро билиши зарур. Касалликларнинг сабаби ва оқибатларини билган инсон шу касалликнинг келиб чиқмаслиги ...

Ҳозирги кунда вилоятларимизда юридик соҳада ўқиган ўрта махсус маълумотли кадрлар орамизда жуда кўп. Уларда амалиёт етарлича бўлсада, лекин маълумотлари олий эмас. Шуларни ҳисобга олиб, Тошкент давлат юридик университетида махсус сиртқи таълим шаклини очиш керак. Унга юриспруденция соҳасида 5 йил ва ундан кўп иш стажига эга бўлган фуқароларни сухбат асосида қабул қилиш амалиётини жорий этиш керак.

Хўжайли туманида жойлашган Ғовур қалъаси неча йиллардан буён қаровсиз ҳолатда турибди. Ғовур қалъасининг умумий майдони 9 гектардан иборат. Ғовур қалъани “очиқ осмон музейи” сифатида ташкил қилишса, мақсадга мувофиқ бўлар эди. Шу билан биргаликда, ташриф буюрувчи туристларнинг сони ҳам ошади. Шу орқали, биз ўз шонли тарихимизни фарзандларимизга ҳам етказа оламиз.

Ўзбекистон Республикасида Европа стандартлари асосида масофавий таълимни ташкил этиш, шу билан биргаликда, топ мингталикка кирувчи олий таълим муассасаларида масофавий таълим олганлик тўғрисидаги ҳужжатларни тан олиш зарур. Ҳозирги ахборот технологиялари ривожланган асрда улардан оқилона ва тўлақонли фойдаланган ҳолда таълим сифатини ва шу билан бир вақтда иш фаолиятини олиб боришни таминлаш ҳам таълимда, ҳам иш фаолиятида юқори самара бериши мумкин. Сўнгги йилларда Ўзбекистон олий таълим муассасаларига ўқишга кира олмаган ёшларимиз қўшни мамлакатларнинг бир қанча юқори мавқега эга бўлган олийгоҳларида масофавий таълим асосида ўқишни афзал кўришмоқда. Агарда Республикамизда масофавий таълим бериш жорий ...

Маълумки, замонимиз кундан-кунга ривожланиб бормокда. Ахборот технологиялари ҳар бир соҳада ўз ўрнини мустаҳкамламокда. Хусусан, автомобиллар ҳам замонавий технологиялар билан жиҳозланиб, ҳайдовчи ва йўловчилар учун қулайликлар яратилмоқда. Навигатор, кузатув камералари ҳозирда автотранспорт воситалари учун зарур қурилма ҳисобланади. Хусусан, бизнинг “UzautoMotors” автозаводимизда янги авлоддаги Tracker, Malibu, Captiva автомобилларида ушбу қурилмалар завод томонидан ўрнатилган ҳолда харидорларга етказилмокда. Лекин бошқа турдаги автоуловларда ахборот-кўнгилочар тизими фақат аудитизим билан кифояланган. Кўпчилик ҳайдовчилар ўз қулайликлари учун автоуловига қўшимча тарзда аудиосистема ўрнига мониторли кўнгилочар тизимни ўрнатишни маъқул кўришмоқда. Шу оркали, навигатор тизимидан фойдаланиш мумкин бўлиб, хавфсизлик тизими ...

Ҳозирги кунда “юриспруденция” таълим йўналиши бўйича республикамизнинг 3 та олий таълим муассасаси (Тошкент давлат юридик университети, Қорақалпоқ давлат университети ҳамда Жаҳон иқтисодиёти ва дипломатия университетлари) да ўқиш имконияти мавжуд. Уларда ҳам талабалар ҳозирда фақат кундузги таълим шаклида ўқитилмоқда. Шунингдек, юриспруденция йўналишида сиртқи таълим шаклида ўқитиш ҳеч жойда мавжуд эмас. Мазкур йўналишни бошқа олий таълим муассасаларида (йўналишларига мос бўлган олий таълим муассасаларида) ҳам ташкил этиш масаласи ўрганиб чиқилса, мақсадга мувофиқ бўлар эди. Олдинлари Ўзбекистон миллий университети, Фарғона, Наманган ва Самарқанд давлат универитетларида юриспруденция таълим йўналиши мавжуд эди. Ҳозирда кўпчилик ёшлар ...

Кўпгина мамлакатларда ҳар бир оммавий касб турлари учун касб байрамларини (кунларини) белгилаш (ва нишонлаш) анъанаси мавжуд. Шу жумладан, Ўзбекистонда ҳам аксарият касб эгалари учун йилнинг маълум кунлари (саналари) касб байрами сифатида нишонланади. Ҳозирда юртимизда банк ва молия соҳасида кўплаб ходимлар фаолият юритиб келмоқда. Шундан келиб чиқиб, соҳа ходимларини ўзаро жипслигини таъминлаш, ўз касбига бўлган меҳрини янада ошириш мақсадида Ўзбекистонда ҳам банк ва молия соҳаси ходимлари учун махсус касб байрамини белгилаш мақсадга мувофиқ бўлар эди (изоҳ - бу кун расмий дам олиш куни бўлмайди). Маълумот учун: Қозоғистонда 15 ноябрь (миллий ...

Энг қулай транспорт тури бўлган метродан ҳар куни минглаб юртдошларимиз фойдаланишади. Ёзда салқин, қишда эса иссиқ, поездлар ўз вақтида ҳаракатланади. Тошкент метроси ўз даврининг энг ноёб лойиҳалари бўйича бунёд этилган. Метро бекатларининг бир-бирига ўхшамаслиги, уларнинг кенг ва баланд қурилганлиги, чиройлилиги кишини лол қолдиради. Давлатимиз раҳбарининг саъй-ҳаракатлари билан метрополитеннинг янги йўналишларини қуриш бўйича ишлар ҳозирги кунда жадал олиб борилмоқда. Афсуски, бугунги кунда мавжуд метрополитеннинг айрим бекатлари эътибордан четда қолдирилган. Мисол учун, “Истиқлол” санъат саройининг қайтадан “Халқлар дўстлиги” деб номланиши, шунингдек унинг атрофида ободончилик ишларининг олиб борилганлиги, Шомаҳмудовлар оиласи монументининг қайтарилиши, ...

Бугунги кунда 2 ёшгача бўлган болаларга нафақа пулларини тўлашда маҳалла фуқаролар йиғинининг роли катта. Ушбу жараёнда анча оворагарчиликлар ва таъмагирлик ҳолатлари кўзга ташланади. Баъзида турли ноаниқликлар бўлиб туради. Шу сабабли, маҳалла фуқаролар йиғини раисига ва биринчи навбатда фуқароларимизга кўмаклашиш мақсадида 2 ёшгача бўлган болаларга тўланадиган нафақа пулларини онлайн назорат қилиш (нафақа чиққани ёки чиқмагани) имконини берадиган махсус платформани ташкил этиш керак. Ушбу платформадан рўйхатдан ўтиш орқали болаларга тўланадиган нафақа пулларини назорат қилиш имкониятини яратиш керак.